پرتگال (ویب ڈیسک ) پرتگال کے عالمی شہرت یافتہ فٹبالر کرسٹیانو رونالڈو نے سابق ماڈل اور امریکی شہری کی جانب سے لگائے گئے ریپ کے الزامات کو مسترد کرتے ہوئے انہیں جھوٹا قرار دیا ہے۔34 سالہ سابق امریکی ماڈل کیتھرین مایورگا نے کرسٹیانو رونالڈو پر ریپ کا الزام عائد کرتے ہوئے کہا کہ 2009 میں لاس ویگاس میں عالمی شہرت یافتہ فٹبالر نے ان کا ریپ کیا۔تاہم اٹالین لیگ کی ٹیم یوونٹس کے لیے کھیلنے والے رونالڈو نے انسٹا گرام پر لائیو چیٹ کے دوران اس خبر کو جھوٹا قرار دیا۔کیتھرین نے گزشتہ ماہ امریکی ریاست نیواڈا کی ڈسٹرکٹ کورٹ میں ایک 32 صفحے کی شکایت فائل کرتے ہوئے الزام عائد کیا تھا کہ رونالڈو نے 13 جون 2009 کو ان کا ریپ کیا تھا۔انہوں نے اس مقدمے میں الزام عائد کیا کہ فٹبالر نے اس مبینہ ریپ کو خفیہ رکھنے کے لیے ان پر دباو¿ ڈالا تھا اور ساتھ ہی عدالت سے مطالبہ کیا کہ انہیں 2لاکھ ڈالرز بطور ہرجانہ ادا کیا جائے۔سابق ماڈل نے انکشاف کیا کہ وہ کرسٹیانو رونالڈو سے لاس ویگاس کے رین نائٹ کلب میں 12 جون 2009 کی شام ملی تھیں اور پھر رونالڈو نے انہیں اپنے پینٹ ہاو¿س پر آنے کی دعوت دی جسے انہوں نے قبول کر لیا تھا۔انہوں نے الزام عائد کیا کہ پینٹ ہاو¿س میں رونالڈو نے ان کے ساتھ زبردستی کی اور انہیں تشدد کا نشانہ بنانے کے بعد ریپ کیا اور پھر معذرت کرنے کے بعد انہیں وہاں سے جانے کے لیے کہا۔شکایت کنندہ کا کہنا تھا کہ وہ واقعے کی رپورٹ لکھوانے لاس ویگاس پولیس کے پاس گئیں جہاں ان کا طبی معائنہ کیا گیا۔
