کپیل دیو نے محمد عامر کو خواب غفلت سے جگا دیا

دبئی(ویب ڈیسک)بھارت کے سابق کپتان کپیل دیو نے کہا ہے کہ ٹیسٹ ٹیم سے ڈراپ ہونا پاکستانی فاسٹ بولر محمد عامر کو خواب غفلت سے جگانے میں مددگار ثابت ہوسکتا ہے۔کپیل دیو نے کہا ہے کہ بعض اوقات فاسٹ بولرز سہل پسند ہوجاتے ہیں، اس لیے میں سمجھتا ہوں کہ عامر کیلیے ڈراپ ہونا فائدہ مند ثابت ہوگا، انہوں نے کہا کہ میں ذاتی طور پر محسوس کرتا ہوں کہ وہ ایک اچھا بولر ہے، اس میں قابلیت اور ٹیلنٹ موجود ہے، جب وسیم اکرم انھیں بہترین قرار دیتے ہیں تو میں ان کی تائید کرتا ہوں۔