ایشین ہاکی چیمپئنز ٹرافی فائنل، پاکستان اور بھارت آج مدمقابل

مسقط(ویب ڈیسک) ایشین ہاکی چیمپئنز ٹرافی کے فائنل میں آج پاکستان اور بھارت مدِ مقابل ہوں گے۔ذرائع کے مطابق ایشین ہاکی چیمپئنز ٹرافی ٹائٹل کے لیے فیصلہ کن جنگ آج پاکستان اور بھارت کے مابین ہوگی۔ روایتی حریفوں کا مقابلہ مسقط کے سلطان قابوس اسٹیڈیم میں ہوگا۔ گرین شرٹس نے سیمی فائنل میں سنسنی خیز مقابلہ مقررہ وقت میں 4-4 گول سے برابر رہنے کے بعد پنالٹی شوٹس پر ملائیشیا کو شکست دی تھی جب کہ بھارت نے جاپان کو 2-3 سے زیر کرتے ہوئے ٹائٹل کی امیدیں برقرار رکھی تھی۔ایشین چیمپئنز ٹرافی کے لیگ میچ میں بھی روایتی حریفوں کا ٹاکرا ہوچکا۔ بھارت نے پاکستان کی برتری ختم کرتے ہوئے 1-3 سے فتح حاصل کی تھی۔