آصف زرداری اور بلاول بھٹو کل نیب آفس طلب

اسلام آباد (وائس آف ایشیا) قومی احتساب بیورو راولپنڈی نے سابق صدرمملکت و شریک چیئرمین پیپلز پارٹی آصف علی زرداری اور چیئرمین پیپلز پارٹی بلاول بھٹو زرداری اورکوکل طلب کرلیا ہے، بلاول بھٹو زرداری کو نجی کمپنی پارک انکلیو کے شیئر ہولڈر کی حیثیت میں طلب کیا گیا ہے۔دوسری جانب پیپلز پارٹی کے رہنما فرحت اللہ بابر نے نیب کی طلبی کی تصدیق کرتے ہوئے ٹوئٹ میں بتایا کہ نیب نے بلاول بھٹو زرداری کو جس کمپنی کے کیس میں 13 تاریخ کو طلبی کا نوٹس بھیجا ہے، اس کمپنی کے قیام کے وقت بلاول کی عمر ایک سال سے بھی کم تھی اور وہ کمپنی کا کم عمر ترین شیر ہولڈر تھا، نیب کے اس اقدام کا مقصد پیپلز پارٹی کی قیادت پر دبا ﺅالنا ہے۔فرحت اللہ بابر نے مزید کہا کہ شکریہ نیب! مزید ایسے کام کرکے خود ہی اپنے آپ کو ایکسپوز کررہی ہے کہ وہ حکومت کا ایک سیاسی بازو ہے۔ بعد ازاں اب تک سے خصوصی گفتگو کرتے ہوئے فرحت اللہ بابر نے کہا کہ نیب کا نوٹس وصول ہوگیا ہے۔ بلاول بھٹو پارک لین کمپنی کے شیئر ہولڈر ہیں۔ انہوں نے کہا کہ نوٹس میں پیش ہونے کے علاوہ اور کچھ نہیں بتایاگیا، بلاول بھٹو زرداری پیش نہیں ہوں گے ان کی جگہ فاروق نائیک نیب جائیں گے۔ فرحت اللہ اس طرح کے ہتھکنڈوں سے بلاول بھٹو کی عوام کے دلوں میں عزت ختم نہیں ہوسکتی۔