فلم‘ ٹی وی ‘کمرشلز میں کام کرنیوالے مستقبل کے سپر سٹار ہیں :سوہائے علی ابڑو

لاہور(شوبڈیسک ) اداکارہ وماڈل سوہائے علی آبڑو نے کہا ہے کہ ہالی وڈ جیسی فلم نگری میں بھی پاکستانی فنکاربہت کچھ کرسکتے ہیں۔ میڈیاسے گفتگو کرتے ہوئے سوہائے علی آبڑونے کہا کہ پا کستا ن میں باصلاحیت نوجوا نوں کو اگربہترانداز سے ٹی وی، فلم اورکمرشلزمیں متعارف کروایا جائے تویہی مستقبل میں سپر سٹاربن کرسامنے آئینگے۔ مگر ہمارے ہاں ایسا نہیں کیا جاتا۔ بہت سا ٹیلنٹ صرف چانس نہ ملنے کی وجہ سے ضائع ہوجاتا ہے۔سوہائے علی آبڑو نے کہا کہ ایسی صورتحال میں مجھے لگتا ہے کہ ہمارے معروف فنکاروں، گلوکاروں، ماڈلز، رقاص اورتکنیک کاروں کو کچھ نئے انداز سے کام کرنے کی ضرورت ہے۔ انھیں اپنے ساتھ ساتھ نوجوانوں کوبھی تیارکرنا ہوگا۔ انہیں ٹیم کا حصہ بنانا چاہیے جوواقعی پروفیشن کیلئے فائدہ مند ہوسکتے ہیں۔ گزشتہ برسوں میں جس طرح پاکستانی فنکاروں اورگلوکاروں نے بھارت میں اپنانام اورمقام بنایا ، اسی طرح ہالی وڈ میں بھی بہت کچھ کرسکتے ہیں۔