اسلام آباد (نامہ نگار خصوصی) وزیراعظم کی معاون خصوصی برائے اطلاعات و نشریات فردوس عاشق اعوان نے کہا ہے کہ 25اپریل کو کمیشن کی حتمی رپورٹ پر وزیراعظم قانون کے مطابق ایکشن لیں گے ، انکوائری رپورٹ میں شوگر پالیسی پر کئی سوال اٹھائے گئے ہیں،مستقبل میں مصنوعی بحران سے بچنے کیلئے اصلاحات لائی جائیں گی، وزیر اعظم نے واضح کر دیا ہے ، انصاف کی راہ میں کسی کو حائل نہیں ہونے دیا جائے گا،و فاقی کابینہ نے کمیٹی برائے توانائی کے اجلاس کے فیصلوں کی توثیق کی،یونیورسل سروس فنڈ میں مزید اضلاع شامل کرنے کی منظوری دی گئی،متروکہ وقف املاک بورڈ کی تنظیم نو کیلئے ٹاسک فورس کی تجاویز اور بورڈ کی عمارتوں کوفلاحی کاموں کیلئے استعمال کرنے کی منظوری دی گئی ، مستحقین کو امداد کی فراہمی کیلئے بنک الفلاح اور بنک الحبیب کھلے رہیں گے، احساس پروگرام میں کسی قسم کا امتیازی سلوک نہیں برتا جا رہا،وزیراعظم نے بلوچستان میں ینگ ڈاکٹرز کے ساتھ برتاو¿ پر ناپسندیدگی کا اظہار کیا ، ڈاکٹرز اور پیرا میڈیکل سٹاف کرونا وباءکے خلاف صف اول کا دستہ ہے، وفاق نے حفاظتی کٹس صوبوں کی بجائے براہ راست ہسپتالوں میں فراہم کرنے کا فیصلہ کیا ہے،7لاکھ 17ہزار 119رضا ٹائیگر فورس میں رجسٹرڈ ہو چکے ہیں،ٹائیگر فورس ضلع ، تحصیل اور یونین کونسل کی سطح پر کام کرے گی۔ منگل کو کابینہ اجلاس کے بعد میڈیا کوبریفنگ دیتے ہوئے معاون خصوصی ڈاکٹر فردوس عاشق اعوان نے کہاکہ معاون خصوصی شہزاد اکبر نے چینی بحران کی رپورٹ کابینہ اجلاس میں پیش کی،شوگر ملوں نے اضافی ذخائر کی وجہ سے گنا خریدنے سے انکار کیا۔انہوںنے کہاکہ وزیراعظم نے رپورٹ کی روشنی میں کاشت کاروں کے مسائل کے حل کی ہدایت کی ،وفاق کی طرف سے چینی کی برآمد پر سبسڈی نہیں دی گئی،شوگرملز کے نمائندہ وفد نے 2017میں سابق وزیراعظم شاہد خاقان سے ملاقات کی تھی ،وفد نے شوگر ملوں کے لیے 20ارب روپے کی سبسڈی منظور کرائی۔ انہوںنے رپورٹ کے حوالے سے بتایاکہ 2014سے 2016کے درمیان شوگر ملز کو سبسڈی دی گئی،موجودہ حکومت نے 2014کے بعد پہلی بار گنے کی قیمت میں اضافہ کیا۔معاون خصوصی نے کہاکہ گنے کی قیمت میں اضافے کا مقصد کاشت کاروں کو فائدہ دینا تھا،25اپریل کو کمیشن کی حتمی رپورٹ پر وزیراعظم قانون کے مطابق ایکشن لیں گے ۔ انہوںنے کہاکہ انکوائری رپورٹ میں شوگر پالیسی پر کئی سوال اٹھائے گئے ہیں،مستقبل میں مصنوعی بحران سے بچنے کیلئے اصلاحات لائی جائیں گی۔ انہوںنے کہاکہ وزیراعظم نے کمیشن کو ملنے والی دھمکیوں پر سخت برہمی کا اظہار کیا،وزیراعظم نے متعلقہ عناصر کا خبردار کیا کہ اگر یہ عمل دہرایا گیا تو سخت اقدام کیا جائے گا ۔ انہوںنے کہاکہ وزیراعظم نے واضح کیا کہ انصاف کی راہ میں کسی کو حائل نہیں ہونے دیا جائے گا ۔انہوںنے کہاکہ وفاقی کابینہ نے کمیٹی برائے توانائی کے اجلاس کے فیصلوں کی توثیق کی،یونیورسل سروس فنڈ میں مزید اضلاع شامل کرنے کی منظوری دی گئی،متروکہ وقف املاک بورڈ کی تنظیم نو کیلئے ٹاسک فورس کی تجاویز کی منظوری دی گئی ،متروکہ وقف املاک بورڈ کی عمارتوں کوفلاحی کاموں کیلئے استعمال کرنے کی منظوری دی گئی ، معاون خصوصی نے کہاکہ مستحقین کو امداد کی فراہمی کیلئے بنک الفلاح اور بنک الحبیب کھلے رہیں گے۔ انہوںنے کہاکہ احساس پروگرام میں کسی قسم کا امتیازی سلوک نہیں برتا جا رہا۔ انہوںنے کہاکہ معاون خصوصی صحت ڈاکٹر ظفر مرزا نے کرونا کی تازہ ترین صورتحال سے آگاہ کیا ۔اہوںنے کہاکہ وزیراعظم نے بلوچستان میں ینگ ڈاکٹرز کے ساتھ برتاو¿ پر ناپسندیدگی کا اظہار کیا ۔ انہوںنے کہاکہ ڈاکٹرز اور پیرا میڈیکل سٹاف کرونا وباءکے خلاف صف اول کا دستہ ہے۔معاون خصوصی نے کہاکہ 39ہزار حفاظتی کٹس صوبوں کو بھجوائی جا چکی ہیں۔ انہوںنے کہاکہ وفاق نے حفاظتی کٹس صوبوں کی بجائے براہ راست ہسپتالوں میں فراہم کرنے کا فیصلہ کیا ہے ،معاون خصوصی عثمان ڈار نے ٹائیگر فورس کے حوالے سے بریفنگ دی۔ڈاکٹر فردوس عاشق نے کہاکہ 7لاکھ 17ہزار 119رضا ٹائیگر فورس میں رجسٹرڈ ہو چکے ہیں،ٹائیگر فورس ضلع ، تحصیل اور یونین کونسل کی سطح پر کام کرے گی۔
وزیر اعظم نے واضح کر دیا انصاف کی راہ میں کسی کو حائل نہیں ہونے دیا جائیگا، فردوس عاشق اعوان
