ویب ڈیسک : راولپنڈی / کراچی آرمی چیف جنرل قمر جاوید باجوہ نے پی ایس ایکس حملہ ناکام بنانے والے سکیورٹی گارڈز کو خراج تحسین پیش کیا ہے۔
آئی ایس پی آر کے مطابق آرمی چیف جنرل قمر جاوید باجوہ نے پاکستان سٹاک ایکسچینج حملے میں اپنی جانیں قربان کرکے بڑی دہشتگردانہ کارروائی روکنے والے سکیورٹی گارڈز کو خراج تحسین پیش کیا ہے۔انہوں نے قانون نافذ کرنے والے اداروں کی پیشہ ورانہ صلاحیتوں کو سراہا ، انہوں نے پاک رینجرز اور سندھ پولیس کی جانب سے کم سے کم ممکن وقت میں دہشتگردوں کو ٹھکانے لگانے کو سراہا ۔
آرمی چیف نے کہا کہ ہماری پرعزم قوم کی حمایت کے ساتھ ہم ان تمام کوششوں کو جڑ سے اکھاڑ پھینکیں گے جو ہمارے اس امن کو تباہ کرنے کیلئے کی جائیں گی جو ہم نے شہدا کی قربانیوں سے حاصل کیا ہے۔
