کراچی:(ویب ڈیسک) محکمہ موسمیات کے مطابق مون سون بارش برسانے والاسسٹم کراچی کے جنوب مشرق میں سمندر میں موجود ہے۔ڈائریکٹر محکمہ موسمیات سردار سرفراز کا کہنا ہے کہ سمندر سے زیادہ نمی لینے پر سسٹم زیادہ مضبوط ہوسکتا ہے۔ڈائریکٹر محکمہ موسمیات کے مطابق مون سون سسٹم کراچی میں داخل ہونے سے قبل آندھی چل سکتی ہے جب کہ آج رات سے 8 جولائی کی صبح تک وقفے وقفے سے بارش کا امکان ہے۔واضح رہےکہ کراچی کے مختلف علاقوں میں گزشتہ شام بھی طوفانی ہوائیں چلیں اور کئی مقامات پر ہلکی بارش بھی ہوئی۔