ارطغرل کی اصلحان خاتون نے پاک بھارت میچ کا کلپ شیئر کردیا

(ویب ڈیسک)پاکستان میں مقبولیت کے نئے ریکارڈ قائم کر نے والے ترک ڈرامہ ارطغرل میں اصلحان خاتون کا کردار نبھانے والی ترکش اداکارہ نے پاکستانی ٹیم کی بھارت کے خلاف جیت کا کلپ شیئر کر دیا۔ترک ادکارہ اور ماڈل گلُسِم علی جنہوں نے اس ڈرامے میں اصلحان خاتون کا کردار نبھایا ہے انہوں نے اپنے انسٹا گرام اکاؤنٹ پر پاکستان کی بھارت کے خلاف جیت کا ایک یادگار کلپ شیئر کر دیا۔اس کلپ میں شاہد آفریدی بھارت کے خلاف جارحانہ انداز سے کھیلتے ہوئے پاکستان کو فتح سے ہمکنار کرتے ہیں، جو کلپ گُلسِم علی نے شیئر کیا یہ بھارتی فلم بجرنگی بھائی جان کا کلپ ہے جس میں کشمیری لوگوں کو پاکستان کی فتح کے لیے دعائیں کرتے ہوئے دیکھا جا سکتا ہے۔اور جب سابق پاکستانی آل راؤنڈر شاہد آفریدی میچ جتوانے والی شارٹ کھیلتے ہیں تو کشمیری لڑکی پاکستانی فتح کا جشن مناتے ہوئے پاکستانی پرچم کو چومتی ہے۔اس سے پہلے بھی گُلسِم علی پاکستان سے اظہار محبت کر چکی ہیں انہوں نے اپنی ایک پوسٹ میں کورونا وبا کے بعد پاکستان آنے کی خواہش کا بھی اظہار کیا تھا۔