(ویب ڈیسک)پاکستان فلم و ٹی وی کی خوبرو اداکارہ نیلم منیر کا کہنا ہے کہ اگر وہ لڑکا ہوتیں تو کسی یتیم لڑکی سے شادی کر کے اُس کا سہارا بنتیں۔
تفصیلات کے مطابق ایک انٹرویو میں نیلم منیر نے اپنی شادی کے حوالے سے بات چیت کرتے ہوئے کہا کہ ایسے لڑکے سے شادی کریں گی جو اپنی والدہ سمیت اہلِ خانہ کی عزت کرتا ہو۔
ورسٹائل اداکارہ نے بتایا کہ وہ شادی سے قبل ہونے والی ملاقاتوں پر یقین نہیں رکھتی کیونکہ اُن کے خیال میں شادی ہونے سے پہلے ہی کسی کے لیے سجنا، سنورنا اچھا نہیں ، یہ سب شادی کے بعد اچھا لگتا ہے، شادی ہونے کے بعد سب کچھ چلتا ہے مگر شادی سے قبل محبت پر یقین نہیں رکھتی۔
نیلم منیر نے مرد حضرات کو بیوہ اور طلاق یافتہ خواتین سے بھی شادیاں کرنے کی تجویز دیتے ہوئے کہا کہ اگر وہ لڑکا ہوتیں تو وہ بھی کسی یتیم لڑکی سے شادی کرکے ان کا سہارا بنتیں۔
