راولپنڈی:ایل او سی پر سیز فائر معاہدے کی خلاف ورزی کرتے ہوئے بھارتی فورسز نے جان بوجھ کر اقوام متحدہ کی گاڑی پر فائرنگ کر دی تاہم بھارتی فورسز کی فائرنگ میں اقوام متحدہ کے دونوں اہلکار محفوظ رہے۔
ترجمان کا کہنا تھا کہ بھارت نے آج صبح لائن آف کنٹرول کے چری کوٹ سیکٹر پر بلااشتعال فائرنگ کی اور جان بوجھ کر اقوام متحدہ فوجی مبصر مشن کی گاڑی کو نشانہ بنایا تاہم فائرنگ میں اقوام متحدہ کے دونوں اہلکار محفوظ رہے۔
دفتر خارجہ کے ترجمان نے کہا کہ بھارت کی اشتعال انگیزی خطے میں امن و سلامتی کے لیے خطرہ ہے اور وہ ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا، بھارت اقوام متحدہ سلامتی کونسل کی قراردادوں پر عمل درآمد اور 2003 کے جنگ بندی انتظام کی پاسداری کو یقینی بناتے ہوئے اقوام متحدہ فوجی مبصر مشن کو ایل او سی پر کام کرنے کی اجازت دے۔
کراچی: اداکارہ مہوش حیات کے بعد اداکار حمزہ علی عباسی نے بھی ملک میں تمام چڑیا گھر فوری بند کرنے کا مطالبہ کردیا ہے۔
سماجی رابطے کی سائٹ ٹوئٹر پر حمزہ علی عباسی کا کہنا تھا کہ اسلام آباد ہائی کورٹ بھی کہہ چکا ہے کہ چڑیا گھر جانوروں کے حراستی مراکز ہیں، جانوروں کو عوامی تفریح کے لیے قید کرنا انتہائی برا اور ظالمانہ عمل ہے لہذا پاکستان کے پاس دنیا میں عزت کمانے اور اللہ کو خوش کرنے کا ایک موقع ہے کہ تمام جانوروں کو رہا کرکے ملک میں تمام چڑیا گھروں کو بند کردیا جائے۔
وزیر اعظم عمران خان کا کہنا ہے کہ پاکستان انٹرا افغان مذاکرات کی حمایت کرتاہے۔
تفصیلات کے مطابق وزیر اعظم عمران خان سے افغان طالبان کے وفد نے ملاقات کی ہے۔
ذرائع کا کہناہے کہ ملاقات میں افغان امن عمل سے متعلق امور پر تبادلہ خیال کیا گیا۔
وزیر اعظم عمران خان نے ملاقات میں افغانستان میں سیز فائر اور تشدد کے خاتمے پر زور دیتے ہوئے کہا کہ پاکستان انٹرا افغان مذاکرات کی حمایت کرتاہے۔
عمران خان نے کہا کہ شروع سے موقف ہے افغان تنازعہ کا فوجی نہیں سیاسی بات چیت ہی واحد حل ہے۔
انہوں نے مزید کہا کہ پاکستان نے افغان امن عمل میں سہولت کاری کا کردار ادا کیا ہے۔ پاکستان افغان امن عمل کی حمایت جاری رکھے گا۔
پشاور: قومی احتساب بیورو (نیب) نے مولانا فضل الرحمان سے ان کے اثاثوں کی تفصیلات مانگ لیں۔
جیو نیوز کے مطابق نیب پشاور نے جے یو آئی اور حکومت مخالف اپوزیشن اتحاد پاکستان ڈیموکرٹیک موومنٹ کے سربراہ مولانافضل الرحمان کو اثاثوں کی تفصیلات دینے کےلیے خط لکھا ہے جس میں ان سے منقولہ وغیرمنقولہ جائیدادکی تفصیلات مانگی گئی ہیں۔
اس کے علاوہ نیب نے مولانا فضل الرحمان کے بینک اکاؤنٹس اور ذرائع آمدن کی تفصیلات بھی طلب کرلی ہیں۔
وفاقی وزیر داخلہ شیخ رشید کا کہنا ہے کہ حکومت کا برطانیہ سے کوئی معاہدہ نہیں ہے اور انہیں ملک اللہ ہی لاسکتے ہے۔
اسلام آباد میں نادرا کے ہیڈکوارٹرز کا دورہ کرنے کے بعد میڈیا سے گفتگو کرتے ہوئے ان کا کہنا تھا کہ ‘ہم اسحٰق ڈار کو بھی ملک نہیں لاسکے تھے’۔
شیخ رشید نے اپوزیشن اتحاد پر تنقید کرتے ہوئے کہا کہ پاکستان ڈیموکریٹک الائنز (پی ڈی ایم) کو کورونا کی کوئی پرواہ نہیں ہے۔
ان کا کہنا تھا کہ ‘عمران خان کہیں نہیں جارہے، جس نے شرط لگانی ہے لگالے، اِن لوگوں سے تو کبھی نہیں جاسکتا’۔
انہوں نے کہا کہ ‘اپوزیشن کو استعفیٰ دینا ہے تو دے، ان کی نشستوں پر ہی الیکشنز کرادیں گے تاکہ ان کی خواہش پوری ہوجائے’۔
انہوں نے کہا کہ ’12 فروری سے 12 مارچ کے درمیان الیکشن کمیشن الیکشن کا اعلان کرسکتا ہے اور پی ڈی ایم کو بھی سینیٹ انتخابات میں حصہ لیتا دیکھ رہا ہوں’۔
ان کا کہنا تھا کہ ‘عمران خان سینیٹ میں اکثریت حاصل کرگئے تو ایسے قوانین لے کر آئیں گے کہ ان کی چیخیں نکل جائیں گی’۔
قبل ازیں انہوں نے نادرا کے دورے کے حوالے سے بات کرتے ہوئے کہا تھا کہ بنادرا بڑا حساس ادارہ ہے جس میں زبردست کام ہورہا ہے۔
انہوں نے اعلان کیا کہ اتوار سے نادرا ہیڈکوارٹر کھلا رہے گا اور اس کے 50 نئے سینٹرز کھلیں گے اور ہر تحصیل میں نادرا کا دفتر کھولا جائے گا۔
شیخ رشید کا کہنا تھا کہ عوام کو پہلا شناختی کارڈ 40 روز کے بجائے اب سے 30 روز میں مفت جاری ہوگا اور اس کے علاوہ ملک بھر میں 6 لاکھ نئے اسلحہ لائسنس جاری کریں گے۔
واضح رہے کہ وزارت داخلہ کا قلمدان سنبھالنے کے بعد وفاقی وزیر داخلہ شیخ رشید احمد نے نادرا ہیڈ کوارٹرز اسلام آباد کا پہلا دورہ کیا ہے۔
نادرا ہیڈکوارٹرز آمد پر چئیرمین نادرا عثمان مبین نے وزیر داخلہ کو بریفنگ دی۔
باغی جناح کا سابق ڈائریکٹر اختر سپرنٹنڈنٹ کو ٹھی پر برا جمان معلوم ہوا ہے کہ سابقہ وائس چیئر مین نے سپرنٹنڈنٹ باغ کی ایک طویل و عریض کوٹھی کو انسٹیٹیوت بنانے کے لئے سر توڑ کوششیں کی اور دس کروڑ روپے بھی حکومت سے منظور کروا لیے یہ بھی بتایا گیا ہے کہ انسٹیٹیوٹ کے لیے بیش قیمتی فرنیچر بھی سابقہ چیئرمین کی منشاکے مطابق خریدا گیا جو پڑا پڑا خراب ہو رہا ہے اور یہ امر بھی قابل ذکر ہے کہ اس انسٹیٹیوٹ کو ذاتی مفاد کے لیے بنایا جا رہا ہے۔کیونکہ باغ جناح میں پہلے ہی لیڈیز کلب کے ساتھ فلوری کلچر انسٹیٹیوٹ ہے جہاں طلباءاور طالبات کو ٹریننگ دی جاتی ہے
ماضی کی طرح رواں سال بھی موسم کی تبدیلی کے ساتھ خشک میوہ جات کی قیمتوں میںبے پنا ہ اضافہ دیکھنے میں آ رہا ہے جس کی وجہ سے ڈرائی فروٹ خریدنا عام آدمی کی پہنچ سے باہر ہے۔ڈرائی فروٹ موسم سرما کی سوغات ہیں جسے شہری توانائی بحال رکھنے اور قوت مدافعت بڑھانے کے لیے استعمال کرتے ہیں۔لیکن شہر میں ڈرائی فروٹ کی قیمتیں آسمان سے باتیں کر رہی ہیں۔سردیوں کی خاص سوغات یعنی میواجات عام آدمی کی پہنچ سے دور ہوتے جا رہے ہیں۔خشک میوہ جات کی قیمتیں آسمان سے باتیں کرنے لگی ہیںجبکہ مونگ پھلی بھی غریبوں کی پہنچ سے دور کر دی گئی ہے۔خریداروں کی بڑھتی ہوئی گہما گہمی دیکھتے ہوئے دکانداروں نے قیمتوں میں اضافہ کر دیا ہے
وزیراعلیٰ پنجاب سردار عثمان بزدار کی قیادت میں پنجاب حکومت سستی بجلی فراہم کرنےکے لئے سرگرم ہو گئی ،پنجاب تھرمل پاور پرائیویٹ لمیٹڈ او ر6 بینکوں کے کنسورشیم کے درمیان 100ارب روپے کی فنانسنگ کا معاہدہ ہوگیا۔وزیراعلیٰ معاہدے کی تقریب کے مہمان خصوصی تھے ۔معاہدے کے تحت بینکوں کا کنسورشیم 100ارب روپے کی فنانسنگ کرے گااور1263میگا واٹ کے پنجاب تھرمل پاور پلانٹ سے سالانہ10ارب یونٹس پیدا ہوں گے ۔عثمان بزدار نے تقریب سے خطاب کرتے ہوئے کہا کہ 6بینکوں کے کنسورشیم سے 100ارب روپے کی فنانسنگ کے معاہدے کوملکی تاریخ کی سب سے بڑی ریاستی گارنٹی کہا جا سکتا ہے ۔انہوں نے کہاکہ کورونا وائرس کی وجہ سے کاروباری اور صنعتی سرگرمیوں میں تعطل کے باوجود پی پی اے اور جی ایس اے جیسے موثر معاہدے کئے گئے ہیں۔ پنجاب تھرمل پاور پلانٹ تیزی سے تکمیل کی جانب گامزن ہے اور اگلے سال کے آخر تک مکمل ہونے والے 1263میگاواٹ کے اس پراجیکٹ سے سالانہ 10ارب سے زائد یونٹ بجلی حاصل کی جاسکے گی۔پنجاب پاور پلانٹ میں معروف بین الاقوامی کمپنی سیمنز سے مصدقہ جدیدترین ٹیکنالوجی پر مشتمل سسٹم نصب کیا گیا جس کی کارکردگی سے بجلی کی پیداواری لاگت انتہائی کم ہو گی اورگھروں اور صنعتوں کو سستی بجلی فراہم کی جا سکے گی۔ روپے میں ادائیگی کی وجہ سے زرمبادلہ کے ضیاع کو بچایا جا سکے گا اور اس سے بجلی کی پیداواری لاگت میں بھی کمی ہو گی۔گردشی قرضے کے بوجھ میں نمایاں کمی ہو گی اور اس پراجیکٹ کی بدولت ہزاروں لوگوں کے لئے روزگار کے مواقع بھی میسر ہوں گے ۔ سا بقہ ادوار میں لگائے جانے والے پاور پلانٹس سے 9.29سے 27.12 روپے فی یونٹ تک بجلی پیدا کی جاتی رہی جبکہ پنجاب تھرمل پاور پلانٹ کے ذریعے 8.95 روپے فی یونٹ کی شرح سے بجلی پیدا کی جا سکے گی۔ بزدار نے کہا ان تمام اقدامات کا مقصد یہ ہے کہ ہم مہنگائی میں پسنے والے عوام کو سستی بجلی فراہم کر سکیں۔پنجاب نہ صرف انرجی کی پیداوار میں خودکفیل ہو گا بلکہ دوسرے صوبوں کو بھی بجلی فراہم کر سکے گا۔ دوسری طرف وزیراعلیٰ پنجاب عثمان بزدارکی زیر صدارت صوبائی کابینہ کا 39واں اجلاس ہوا، پنجاب کابینہ نے متحدہ عرب امارات کے ساتھ خیر سگالی کے جذبے کااظہار کرتے ہوئے متحدہ عرب امارات کے صدر شیخ زید بن النہیان کو چولستان اوررحیم یار خان میں لیز پر دی گئی سرکاری اراضی میں پرانے نرخوں کے مطابق ہی مزید توسیع دینے کی منظوری دے دی ۔ پنجاب کابینہ کے اس اقدام سے دونوں ملکوں کے مابین تعلقات میں مزید بہتری آئے گی۔ اجلاس میں راوی اربن ڈویلپمنٹ اتھارٹی کو اراضی کے حصول کیلئے 5ارب روپے کا قرض دینے ،اتھارٹی کو راوی ریور فرنٹ اربن ڈویلپمنٹ پراجیکٹ کے ماسٹر پلان میں آنے والی سرکاری اراضی بھی دینے کی منظوری دی گئی۔ اتھارٹی اپنا بزنس پلان اور فنانشل ماڈل پیش کرے گی ۔پنجاب کابینہ نے صوبے میں پٹرول پمپس لگانے کیلئے این او سی کے اجراء کے طویل عمل کو آسان بنا دیا اورکابینہ نے پٹرول پمپس لگانے کے لئے این او سی کے اجراء کی مدت 90روز سے کم کر کے 30روز کرنے ،نابینا افرادکے لئے 3فیصد خصوصی کوٹے کے تحت ملازمتوں میں بالائی عمر میں خصوصی رعایت دینے کی منظوری دی۔پنجاب کابینہ نے بڑے ہسپتالوں میں چارجز وصول کرنے کی تجویز پھر مستردکر دی۔ عثمان بزدار نے اجلاس سے خطاب کرتے ہوئے کہاکہ عام آدمی کو ریلیف دینے آئے ہیں۔یوزرچارجز پر فی الحال نظر ثانی نہیں کرسکتے ،پنجاب کابینہ نے صوبے میں یکساں نصاب کے نفاذ ،عدالت عالیہ کے فیصلے کی روشنی میں رول 17 اے کے تحت مستقل بنیادوں پر ملازمتیں دینے ،پنجاب کی مختلف میڈیکل یونیورسٹیزکے وائس چانسلرز کے لئے پے پیکیج اورٹرمز اینڈ کنڈیشنز، محکمہ سپیشل ایجوکیشن کی ٹرانسفر پالیسی 2020کی منظوری دی گئی۔پالیسی کے تحت اساتذہ اور دیگر عملے کا گھر کے پا س ادارے میں تبادلہ ہو سکے گا۔نیشنل ٹورازم کوآرڈینیشن بورڈ،پاکستان ٹورازم ڈویلپمنٹ کارپوریشن کے انڈومنٹ فنڈکیلئے پنجاب حکومت کی جانب سے 10کروڑ روپے کی سیڈمنی دینے ،دی پنجاب لوکل گورنمنٹس اراضی استعمال کرنے کے پلان(لینڈ یوزپلان) رولز2020کی منظوری بھی دی گئی جبکہ بہاولپور میں 410بستروں پر مشتمل سول ہسپتال کی تعمیر کے حوالے سے ادائیگیوں کا معاملہ کابینہ کی سٹینڈنگ کمیٹی برائے فنانس اینڈ ڈویلپمنٹ کے سپردکردیا گیا، کمیٹی تمام امور کا جائزہ لیکر حتمی سفارشات پیش کرے گی۔گوجرانوالہ میں چلڈرن ہسپتال کے قیام کیلئے اراضی دینے کامعاملہ بورڈ آف ریونیو کے سپردکردیا گیا۔کابینہ کے اجلاس میں لاہورڈویلپمنٹ اتھارٹی ٹربیونل میں 2 ممبرز حسن احمد ریاض ایڈووکیٹ اور خالد محمود چودھری کی تقرری ،پنجاب ریونیو اتھارٹی کے اپیلٹ ٹربیونل کے جوڈیشل ممبرکے عہدے کیلئے حاضر سروس جج حبیب اللہ عامر کو تعینات کرنے کی منظوری دی گئی۔
اسلام آباد: سپریم کورٹ نے جعلی اکاؤنٹس کیس میں ضمانت کی درخواست پر ریمارکس دیے کہ چیئرمین نیب کے سوا کوئی ایک شخص بتائیں جو نیب کی تعریف کرتا ہو۔
سپریم کورٹ میں جعلی بینک اکاونٹس کیس میں ڈاکٹر ڈنشا اور جمیل بلوچ کی ضمانت کی درخواست پر سماعت ہوئی جس میں جسٹس عمر عطا بندیال نے ریمارکس دیےکہ عدالت موجودہ کیس میں نیب کی کارکردگی سے مطمئن نہیں، 20 ماہ سے ایک بندہ جیل میں ہے جب کہ مرکزی کردار آزاد گھوم رہے ہیں۔
جسٹس عمر عطا نے ریمارکس دیے کہ نیب کی وجہ سے لوگ پاکستان میں سرمایہ کاری نہیں کریں گے، جاپان میں احتساب اور قانون کی بالادستی ہمارے لیے ایک مثال ہے۔
عدالت نے نیب پراسیکیوٹر سے مکالمہ کیا کہ ایک بڑے آدمی کو موٹروے پر گرفتار کرلیا جاتا ہے جیسے وہ کہیں بھاگ جائےگا، چیئرمین نیب اور آپ کے سوا ایک شخص بتائیں جو نیب کی تعریف کرتاہو۔
جسٹس عمر عطا کا کہنا تھا کہ عوامی عہدہ رکھنے والوں کا احتساب ہر صورت ہونا چاہیے لیکن نیب اپنے قانون کا اطلاق سب پر یکساں نہیں کررہا۔
