لاہور(خبر نگار)کورونا وائرس کی وبا کے دوران پاکستانیوں کی زندگی کتنی بدل گئی؟نئے نوول کورونا وائرس نے چند ماہ کے اندر دنیا کو بدل کر رکھ دیا ہے۔اس وائرس کے اثرات کب تک برقرار رہتے ہیں، یہ کہنا تو فی الحال مشکل ہے مگر ایسا نظر آتا ہے کہ اس کے بعد بھی زندگی میں بہت کچھ تبدیل ہوجائے گا، جیسے صفائی کی عادات، گھر سے باہر گھومنا اور دیگر۔ ایک نئی تحقیقاتی رپورٹ سے تو ایسا ہی عندیہ ملتا ہے جو اسمارٹ فون لوکیشن ڈیٹا کی مدد سے تیار کی ہے تاکہ دنیا بھر میں حکومتی عہدیداران کو عوامی نقل و حمل کو سمجھنے میں مدد مل سکے، جس کے مطابق وہ اپنے ردعمل کو ترتیب دے سکیں۔کووڈ 19 کمیونٹی موبیلیٹی رپورٹس کے نام سے گوگل نے اس ڈیٹا کو جمعے کو جاری کیا۔اس رپورٹ میں ایسے افراد کا ڈیٹا استعمال کیا جنہوں نے اپنی لوکیشن ہسٹری گوگل میں اسٹور کرنے کے آپشن کو اختیار کررکھا ہے، تاکہ یہ جاننے میں مدد مل سکے کہ لوگ سماجی دوری کی حکومتی ہدایات کی کس حد تک تعمیل کرہے ہیں۔اس کے لیے پاکستان سمیت 131 ممالک کے ڈیٹا کو جاری کیا گیا اور کمپنی کا کہنا تھا ‘ اس وقت جب عالمی برادری کووڈ 19 وبا پر ردعمل ظاہر کررہی ہے، وہیں عوامی طبی حکمت عملیوں جیسے سماجی دوری کے اقدامات پر زور دیا جارہا ہے تاکہ وائرس کے پھیلاﺅ کو سست کیا جاسکے، اس مقصد کے لیے ہم نے ڈیٹا اکٹھا کیا تاکہ بتایا جاسکے کہ مخصوص مقامات پر اب کتنے لوگ ہوتے ہیں، مقامی کاروبار پر کس وقت زیادہ رش ہوتا ہے’۔گوگل کی جانب سے ہر ملک میں عوامی نقل و حرکت کے مقامات کو 6 کیٹیگریز میں تقسیم کیا گیا۔ریٹیل اینڈ ریکریشن میں ریسٹورنٹس، کیفے، شاپنگ سینٹرز، تھیم پارکس، میوزیم، لائبریریز اور سنیما گھروں کو شامل کیا گیا۔گروسری اینڈ فارمیسی میں سودا سلف کی مارکیٹیں، فوڈ وئیر ہاﺅس، فارمرز مارکیٹ، کھانے پینے کی دکانیں، میڈیکل اسٹور شامل تھے۔پارکس میں ساحلی مقامات، پلازے اور دیگر عوامی مقامات کو شامل کیا گیا۔ٹرانزٹ اسٹیشنز کی کیٹیگری میں پبلک ٹرانسپورٹ مراکز شامل تھے۔ورک پلیسز دفاتر پر مشتمل کیٹیگری تھی جبکہ ریذیڈنس لوگوں کے گھروں کو کور کرنے والا شعبہ تھا۔ریٹیل اینڈ ریکریشن یعنی ریسٹورنٹس، ہوٹلوں اور دیگر مقامات پر لوگوں کے جانے کی شرح میں 70 فیصد تک کمی آئی۔گروسری کیٹیگری یعنی اشیائے خورونوش کی خریداری کے لیے گھر سے باہر نکلنے کی شرح 55 فیصد تک کم ہوگئی، پارکس یعنی تفریحی مقامات پر جانے کی شرح 45 فیصد کمی ریکارڈ ہوئی۔پبلک ٹرانسپورٹ کے مراکز پر جانے کی شرح میں 62 فیصد کمی آئی، جبکہ دفاتر جانے والے افراد کی تعداد 41 فیصد کم ہوگئی۔اس کے مقابلے میں گھروں پر لوگوں کی مجودگی میں 18 فیصد اضافہ دیکھنے میں آیا۔

لاہور (خصوصی رپور ٹر ) کرونا وائرس کے باعث لگنے والے لاک ڈاون سے لاہور کے 27 ہزار سے زائد خواجہ سراءبھی پریشان، شادی بیاہ اور دیگر خوشی کے پروگرام ختم ہونے سے خواجہ سراءکمیونٹی فاقے کرنے لگی۔ تفصیلا ت کے مطابق لاک ڈاﺅن سے جہاں ہر شعبہ زندگی سے تعلق رکھنے والے لوگ متاثر ہوئے ہیں وہیں خواجہ سراءبھی اپنی روز مرہ کی کمائی سے ہاتھ دھو بیٹھے ہیں، نہ کوئی شادی کی تقریب ہے نہ کوئی اور خوشی کا موقع کہ جاکر ودھائی لی جاسکے، اس حوالے سے خواجہ سراءکمیونٹی کا کہنا تھا کہ سب کچھ بند ہونے سے بیشتر خواجہ سراءفاقے کاٹ رہے ہیں، کسی جانب سے کوئی امداد نہیں مل رہی۔ دوسری جا نب فلاحی تنظیموں کی جا نب سے اس سے قبل کرونا وائرس سے نجات پانے کےلئے خواجہ سراءسوسائٹی کی جانب سے ٹاﺅن شپ کے مختلف علاقوں میں شہریوں میں ماسک اور ہینڈ سینی ٹائزر تقسیم کئے گئے۔ اس حوالے سے حکومتی عہدیدران کا کہنا ہے کہ وزیراعلیٰ پنجاب سردار عثمان بزدار نے کہا کہ ہم جو کہتے ہیں وہ کرکے دکھاتے ہیں،ماضی کے حکمرانوں کی طرح نمائش کرتے ہیں نہ شو بازی کرتے ہیں,چیف منسٹرانصاف امداد پروگرام کے تحت اصل حقداروں کو ان کا حق پہنچائیں گے۔ سردار عثمان بزدار کا کہنا تھا کہ ہمارا یہ پروگرام دیہاڑی دار طبقے کو ریلیف فراہم کرےگا، پنجاب کی تاریخ میں یہ شفاف اور تیز رفتار ترین مالی معاونت کا پروگرام ہے۔

لاہور(خبر نگار) شہر بھر میں لنڈ اماسک کی فروخت دھڑلے سے جاری ۔ناقص میٹریل سے تیار ہونے والے ماسک چوک چوراہوں پر فروخت کئے جانے عمل جاری ۔تفصیلات کے مطابق لاہور میں کرونا وائرس کی وباءسے شہری احتیاط کے طور پر ماسک استعمال کرنے لگے ہیں ماسک کی کمی کی وجہ سے میدیکل سٹورز پر نایاب ہیں جس کا فائدہ اٹھاتے ہوئے لوگوں نے ناقص میٹریل سے ماسک بنانے شروع کردئے ہیں اکثر ماسک لنڈے کے کپڑے سے تیار کئے جارہے ہیں اوران کو چوکوں پر کھلی فضا ءمیں لٹکایا گیا ہے جیسے لنڈے کے کپڑے لٹکائے جاتے ہیں جیسے لنڈے کے کپڑے بدل بدل کر چیک کئے جاتے ہیں جس پر مختلف لوگوں کے ہاتھ لگتے ہیں اس پر کچھ شہریوں کا کہنا تھا کہ ہوسکتا ہے کوئی وائرس کا متاثر ہ شخص ان ماسک کو چیک کرتا ہے اور بدل بدل کر منہ پر لگاتا ہو اور وہ وائرس ان ماسک پر منتقل ہوجائے تو کتنے لوگ اس سے متاثر ہونگے اس پر متعلقہ انتظامیہ کو چیک کرنا چاہیے اور ہوسکے تو ان فروخت کو بند کیا جائے اور ان کو میڈیکل سٹورز یادیگر سٹورز تک محدود کیا جائے تاکہ یہ گردوغبار سے بھی بچ جائیں گے اوران کو پیکنگ کی صورت میں رکھا جائے تاکہ اس سے فائدہ ہو ناکہ نقصان ہو۔

لاہور (خصوصی رپورٹر) حکومت اورشہریوں کے اشتراک سے غریب او رنادار افراد کے لئے راشن اور امدادی سامان کی فراہمی کا آغازکر دیا گیاہے-وزیراعلیٰ پنجاب سردار عثمان بزدار کی اپیل پر مخیر حضرات او رتاجر برادری نے کروڑوں روپے مالیت کے امدادی سامان کے خطیر عطیات پیش کئے ہیں- مختلف اضلاع کے لئے پہلے مرحلے میں 100ٹرکوں پر مشتمل راشن اور امدادی سامان موصول ہوچکا ہے-وزیراعلیٰ عثمان بزدار نے پنجاب یونیورسٹی گراﺅنڈ آکر اپنی نگرانی میں امدادی سامان سے بھرے ٹرک متعلقہ اضلاع کو روانہ کئے- وزیراعلیٰ عثمان بزدار نے اس موقع پر گفتگو کرتے ہوئے بتایا کہ پنجاب میں بے روزگار او رضرورت مند افراد کو گھروں میں راشن او رامدادی سامان مہیاکیاجائے گا- امدادی سامان کے 100ٹرک ضرورت کے مطابق مختلف اضلاع میںبھیجے جا رہے ہیں-عثمان بزدار نے کہاکہ مخیر حضرات اور تاجر برادری کے تعاون سے مزید امدادی سامان فراہم کیا جائے گا-امدادی سامان اور راشن کی فراہمی کا سلسلہ مرحلہ وار دیگر اضلاع تک بڑھائیں گے- وزیراعلیٰ نے کہاکہ کورونا کی وجہ سے پیدا ہونے والے حالات سے متاثرہ خاندانو ں کوتنہا نہیں چھوڑیں گے – تجارتی اداروں کی بندش سے بے روزگاری کا سامنا کرنے والوں کا بھرپور ساتھ دیں گے- ہر شہری کی ضروریات اور مشکلات کو حل کرنا چاہتے ہیں-وزیراعلیٰ عثمان بزدار نے کہاکہ مشکلات کا شکار افراد کااحساس اور مددکرنا سنت نبوی ہے- نادار افراد کی معاونت کرنے پر مخیر حضرات اور تاجر برادری کا شکریہ ادا کرتے ہیں-مشکل گھڑی میںاپنے لوگوں کی مدد کرنے والے قابل قدر اور قابل تقلید ہیں-اس موقع پر بتایا گیا کہ لاہوراو رراولپنڈی میں 25،25 ٹرک امدادی سامان تقسیم کیا جائے گا- گوجرانوالہ20،جہلم 5، اسلام آباد 5، جھنگ 2،سرگودھا8،شیخوپورہ میں5ٹرک بھیجے جائیں گے -سامان کی تقسیم کے لئے ڈپٹی کمشنر کی سربراہی میں ہر ضلع میں خصوصی کمیٹی قائم کی گئی ہے-خصوصی کمیٹی میں ارکان اسمبلی ،دیگر نمایاں شخصیات اور حکام شامل ہوں گے -متعلقہ ڈپٹی کمشنر اور مقامی انتظامیہ کی مرتب کردہ مصدقہ لسٹ میں نادار اور ضرورت مندا فراد کے نام اور تصاویر بھی موجود ہوں گی-متعلقہ اضلاع میں ڈپٹی کمشنر کی زیر نگرانی ویئر ہاﺅس میں سامان رکھ کر تقسیم کیا جائے گا-قبل ازیں پنجاب یونیورسٹی پہنچنے پر وزیراعلیٰ کو امدادی سامان کی تقسیم کے بارے میں بریفنگ دی گئی اورپروگرام کی کامیاب تکمیل کے لئے دعا خیر بھی کی گئی- سینئر ممبربورڈ آف ریونیو،کمشنر لاہور ڈویژن،سیکرٹری اطلاعات، سی سی پی او لاہور،پنجاب یونیورسٹی کے وائس چانسلر ڈاکٹر نیاز احمد، ڈی جی پی ڈی ایم اے اور دیگر بھی موجودتھے- وزیراعلیٰ عثمان بزدار نے وزراءکو اضلاع میں کورونا کے ساتھ گندم خریداری مہم کی نگرانی کرنے کا ٹاسک بھی سونپ دیاہے-وزیراعلیٰ پنجاب کے آفس سے جاری ہونے والے اعلامیہ کے مطابق صوبائی وزرائ، مشیران او رمعاونین خصوصی متعلقہ اضلاع میں گندم خریداری مہم کی مانیٹرنگ بھی کریں گے-وزیراعلیٰ کی طرف سے وزراء، معاونین او ر مشیران کو محکمہ صحت ، خوراک اور انتظامیہ سے فوری رابطے کی ہدایت کی گئی ہے اور یہ بھی کہا گیاہے کہ وزراءکرام ، معاونین او رمشیران متعلقہ اضلاع میں کورونا کی صورتحال اورگندم خریداری پر وزیراعلیٰ آفس کو رپورٹ دیں گے -صوبائی وزیر چودھری ظہیر الدین فیصل آباد ، رائے تیمور جھنگ،مہر اسلم چنیوٹ میں گندم خریداری کی نگرانی کریں گے -آشفہ ریاض ٹوبہ ٹیک سنگھ، یاسمین راشدلاہور، ہاشم ڈوگر قصور،ملک اسد ننکانہ او رمیاں خالد شیخوپورہ میں مانیٹرنگ کریں گے -راجہ راشد حفیظ راولپنڈی ، حافظ عمار یاسر چکوال، آصف محمود جہلم، ملک انور اٹک ،عنصر مجید خان نیازی سرگودھا میں نگرانی کریں گے-ممتاز احمد خوشاب، امیر محمد خان بھکر، میاں محمودالرشید گوجرانوالہ اور محمد رضوان کے ذمہ گجرات ہوگا-عمر فاروق حافظ آباد ، محمد اجمل منڈی بہاﺅالدین ، پیر سید سعید الحسن شاہ نارووال اورمحمد اخلاق سیالکوٹ میں گندم خریداری کی نگرانی کریں گے-ملک نعمان ساہیوال، صمصام بخاری اوکاڑہ، فیصل حیات پاکپتن، سمیع اللہ چودھری بہاولپور، شوکت لالیکا بہاولنگرمیں ہوں گے-محسن لغاری رحیم یارخان ،محمداختر ملتان ، سید حسین جہانیاں گردیزی خانیوال ، زوار وڑائچ لودھراں ، جہانزیب کھچی وہاڑی میں نگران ہوں گے- حنیف پتافی ڈی جی خان، حسنین بہادر دریشک راجن پور، عبدالحئی دستی مظفر گڑھ ، سید رفاقت گیلانی لیہ میں مانیٹرنگ کریں گے -وزیراعلیٰ نے مزید کہاکہ حکومت کاشتکاروں کے حقوق اور صحت کا تحفظ یقینی بنائے گی -گندم خریداری کے دوران کورونا وائرس کی وجہ سے حتیٰ الامکان اجتماع سے گریز لازمی ہے-گندم کی کٹائی کے لئے انسانی وسائل کی بجائے مشینری پر انحصار سود مند ثابت ہوگا- وزیراعلیٰ پنجاب سردار عثمان بزدار کی خصوصی ہدایت پر چیف منسٹر انصاف امداد پروگرام کے تحت ایک لاکھ 70ہزار مستحق افراد کو مالی امداد پہنچا دی گئی ہے- مستحق افراد میں 24گھنٹے کے اندر تقریبا ً 150کروڑ روپے کی مالی امداد تقسیم کی گئی ہے-وزیراعلیٰ عثما ن بزدار نے کہاکہ چیف منسٹر انصاف امداد پروگرام کے تحت دیگر مستحق افراد کو بھی کوائف کی تصدیق کے بعد فوری طو رپر مالی امداد دی جائے گی-پنجاب حکومت کا چیف منسٹر انصاف امداد پروگرام رفتار، معیاراور شفافیت کے حوالے سے اپنی مثال آپ ہے اورہم جو کہتے ہیں وہ کرکے دکھاتے ہیں-انہوںنے کہاکہ ماضی کے حکمرانوں کی طرح نمائش کرتے ہیں نہ شوبازی- چیف منسٹر انصاف امداد پروگرام کے تحت اصل حقداروں کو ان کا حق پہنچائیں گے- وزیراعلیٰ پنجاب سردار عثمان بزدارنے تونسہ کے علاقے بستی کھیوے والی میں غلط انجکشن سے باپ بیٹی کے جاںبحق ہونے کے واقعہ کا نوٹس لیتے ہوئے کمشنر ڈیرہ غازی خان سے رپورٹ طلب کرلی ہے- وزیراعلیٰ نے واقعہ کی تحقیقات کاحکم دیتے ہوئے کہاکہ افسوسناک واقعہ کی غیر جانبدارانہ انکوائری کر کے ذمہ داروں کا تعین کیا جائے -انہوںنے کہاکہ واقعہ کے ذمہ داروں کےخلاف قانون کے تحت کارروائی کی جائے-وزیراعلیٰ عثمان بزدارنے جاں بحق باپ بیٹی کے لواحقین سے دلی دکھ او رافسوس کا اظہاربھی کیاہے-

اسلام آباد(ماینٹرنگ ڈیسک)ملک میں چینی کی قلت اور قیمتوں میں اضافے کا معاملہ۔وزیراعظم کی انکوائری کمیٹی نے تحقیقاتی تیار کرلی شوگر ایکسپورٹ پالیسی سے فوائد حاصل کرنے والوں میں سیاسی شخصیات شامل ہیں حکومت کی جانب سے چینی پر سبسڈی کا بڑاحصہ بااثر حکومتی شخصیات لے اڑیں۔چینی پر تین ارب کی سبسڈی کا سب سے زیادہ فائدہ جہانگیر ترین نے اٹھایاجہانگیر ترین گروپ نےچینی پر کل سبسڈی کا 22 فیصد حاصل کیا۔جے ڈی ڈبلیو گروپ نے 56 کروڑ روپے کی سبسڈی حاصل کی وفاقی وزیرخسرو بختار کے بھائی عمر شہریار نے بھی سبسڈی سے فائدہ اٹھایا۔ عمر شہریار کے المعیز گروپ نے 40 کروڑ روپے کی سبسڈی حاصل کی۔مئی 2014 سے جون 2019 تک پنجاب حکومت نےچینی برآمد پر سبسڈی دی۔اسی عرصے میں چینی کی قیمت میں 16روپے فی کلو کااضافہ ہوا ۔ شوگر برآمدکنندگان نے 3 ارب روپے کی سبسڈی اور قیمت میں اضافے کا فائدہ اٹھایا چینی کی برآمد کی اجازت دینے سے قیمت میں اضافہ اور بحران پیدا ہوا۔گزشتہ پانچ سال میں حکومت نے 25 ارب روپے کی سبسڈی دی ۔آر وائی گروپ 4ارب ، جہانگیر ترین نے 3 ارب سے زائد کی سبسڈی حاصل کی۔ہنزہ گروپ نے 2 ارب 80 کروڑ اور فاطمہ گروپ 2 ارب 30 کروڑ کی سبسڈی لی۔ شریف گروپ نے ایک ارب 40 کروڑ کی سبسڈی حاصل کی ۔ اومنی گروپ نے 90 کروڑ روپے سے زائد کی سبسڈی حاصل کی شوگر ملزکو سبسڈی ملنا، چینی کی صنعت کا سیاست میں اثرورسوخ ظاہرکرتا ہے۔سیکرٹری فوڈسیکورٹی کے تحفظات کے باوجود ای سی سی نے چینی برآمد کرنے کی منظوری دی ۔ ای سی سی نے 10 لاکھ ٹن چینی برآمد کرنے کی منظوری دی۔کمیٹی نے شوگر ملز اور ہول سیل ڈیلرز کی جانب سے فارورڈ بائینگ اور سٹے کی نشاہدہی بھی کی۔اقدام سے رمضان میں قیمت 100 روپے فی کلو تک پہنچ سکتی تھی۔پنجاب حکومت نے چینی پر 3 ارب کی سبسڈی دی۔ اسی طرح ایکسپوٹرز کو دو فائدے ملے ، ایک چینی کی قیمتوں میں اضافہ اور دوسرا 3 ارب کی سبسڈی کا فائدا ہوا۔ جہانگیرترین کی شوگر ملز کو 56 کروڑ یعنی 22 فیصد سبسڈی دی گئی۔ رپورٹ میں بتایا گیا کہ وفاقی اورصوبائی حکومتوں کی کاہلی آٹا بحران کی اہم وجہ بنی۔2019 میں گندم کی پیداوار کا غلط اندازہ لگایا گیا۔ جبکہ مالی سال 2019-20 میں ایک لاکھ 63 ہزار ٹن گندم برآمد کی گئی۔گندم کی برآمد اور برآمد میں تاخیر کی وجہ سے بے چینی پھیلی۔ بےچینی کی وجہ سے لوگوں نے ذخیرہ اندوزی شروع کردی۔ رپورٹ پر وفاقی وزیر منصوبہ بندی اسد عمر نے اپنے ردعمل میں کہا کہ آٹا اورچینی بحران کی تحقیقاتی رپورٹ نہیں دیکھی۔ یقین ہے کوئی بھی صورتحال ہوا، عمران خان انصاف کریں گے۔ اسد عمر نے کہا کہ عمران خان نے انکوائری کمیٹی بنائی اور اس کی اب رپورٹ بھی آگئی ہے۔وزیر اعظم عمران خان کی جانب سے آٹا اور چینی بحران کے حوالے سے بنائی گئی انکوائری کمیٹی کی رپورٹ مکمل ہوگئی جس کو وزیر اعظم نے پبلک کرنے کا فیصلہ کیا ہے۔نجی ٹی وی کے مطابق رپورٹ میں کہا گیا ہے کہ چینی کے بحران میں سب سے زیادہ پیسے جہانگیر ترین نے کمائے، وفاقی وزیر برائے فوڈ سکیورٹی بحران کے دوران خسرو بختیار کے بھائی نے 45کروڑ روپے کمائے۔رپورٹ میں چودھری پرویز الہی اور مریم نواز کے سمدھی چودھری منیر کے بھی پیسے کمانے کا انکشاف ہوا ہے۔