نئی دہلی‘ کولکتہ‘ ممبئی‘ کیرالہ (نیٹ نیوز)مودی حکومت نے این پی آر کا نیا فارم تیار کر لیا ہے۔ سرکاری ذرائع کے مطابق این پی آر کے نئے ڈیٹا بیس میں آدھار نمبر، پین نمبر، ووٹر شناختی نمبر سمیت تقریباً 7 نئے نکات کو شامل کیا جا سکتا ہے۔ این پی آر کے تحت کوئی شناختی کارڈ جاری نہیں کئے جائیں گے اور نہ ہی کوئی بائیومیٹرک جمع کیا جا رہا ہے۔ وزارت داخلہ نے اس بارے میں آخری پروفائل بنا لی ہے۔ قومی آبادی رجسٹر (این پی آر) ملک کے عام اشندوں کی ایک وسیع ڈیٹا بیس ہے۔ اسے شہریت ایکٹ 1955 ءکی دفعات کے تحت اور شہریت اور شہریوں کی رجسٹریشن اور قومی شناختی کارڈ جاری کرنا) دستور العمل، 2003 ءمیں موجود طریقہ کار کی طرف سے تیار کیا جا رہا ہے۔ این پی آر کے تحت کوئی شناختی کارڈ جاری نہیں کئے جائیں گے۔این پی آر 2010 ءمیں جو معلومات طلب کی گئی تھیں وہ یہ ہیں : 1 آدمی کا نام۔2 : سربراہ سے تعلق۔3: والد کا نام۔4: ماں کا نام۔5: شوہر / بیوی کا نام (اگر شادی شدہ ہے)۔6: جنس۔7: تاریخ پیدائش۔8: ازدواجی حیثیت۔9- جائے پیدائش۔10: بتائی گئی شہریت۔11: عام رہائشی موجودہ پتہ۔12:موجودہ پتہ پر رہنے کی مدت۔13: مستقل رہائشی پتہ۔14ذریعہ معاش۔15: تعلیمی قابلیت۔16: آدھار کارڈ کے ذریعہ اعادہ کو روکنے اور آدھار نمبر بنانے کے مقصد کیلئے 5 سال اور اس سے اوپر کے افراد کے لئے او آر جی آئیک کو مختص ریاستوں میں تین بائیومیٹرک جیسے فوٹو، 10 انگلیوں کے پرنٹ اور 02 آئرس بھی جمع کئے گئے تھے۔ این پی آر 2020 میں بھی کئی اضافی نکات شامل کئے گئے ہیں۔جس میں 1: آدھار نمبر۔2: موبائل نمبر۔3: پین کارڈ۔4: ووٹر شناختی نمبر۔5: ڈرائیونگ لائسنس۔6: پاسپورٹ نمبر (صرف ہندوستانی پاسپورٹ)۔7: گزشتہ مسکن، شہری کے والدین کی جائے پیدائش اور پیدائش کی تاریخ۔نوٹ: این پی آر کے دوران کوئی بایومیٹرک جمع نہیں کیا جا رہا ہے۔این پی آر کو 2010 میں پہلی بار تیار کیا گیا تھا۔ اس کے بعد ہوئے پیدائش، موت اور قیام کی وجہ تبدیلی کو شمار کرنے کے لئے، اسے دوبارہ اپ گریڈ کرنے کی ضرورت ہے۔ 2015 میں چند اجزاءکو شامل کیا گیا تھا۔ این پی آر کے اعداد و شمار کے ذریعے عام آدمی کو کئی منصوبوں کا بھی فائدہ مل سکے گا۔ بھارتی ریاست کیرالہ کے وزیراعلیٰ نے شہریت کے متنازع قانون کو نافذ کرنے سے انکار کرتے ہوئے قانون کے خلاف اسمبلی میں قرار داد پیش کردی جسے منظور کرلیا گیا۔ا±دھرمتنازع قانون کے خلاف احتجاج میں شہریوں کے بعد حکام بھی میدان میں آگئے ،بھارتی ٹی وی کے مطابق ریاستی اسمبلی کے اجلاس میں خطاب کرتے ہوئے کیرالہ کے وزیر اعلیٰ پینارائے وجے یان کا کہنا تھا کہ شہریت کا ترمیمی قانون بھارتی آئین کی بنیادی اقدار اور اصولوں کے خلاف ہے، اس لیے مرکزی حکومت ایکٹ کو واپس لے۔کیرالہ سے قبل بھارتی پنجاب، مدھیہ پردیش اور چھتیس گڑھ سمیت 6 بھارتی ریاستیں متنازع قانون نافذ کرنے سے انکار کرچکی ہیں۔ کانگریس کی رہنما پریانکا گاندھی نے کہا کہ جن ریاستوں میں ان کی پارٹی کی حکومت ہے وہاں متنازع شہریت قانون نافذ نہیں ہونے دیں گے۔ان ریاستوں میں مہاراشٹرا، دہلی، کیرالہ، مغربی بنگال ، آندھرا پردیش، راجستھان ، بہار، مدھیہ پردیش، پنجاب، اڑیسہ اور چھتیس گڑھ شامل ہیں۔ ایک سو سے زائد پجاریوں نے شہریت ترمیمی ایکٹ کے خلاف گاندھی مورتی کے قریب احتجاج کیا۔ پچھم بنگا سناتن برہمن ٹرسٹکے زیر اہتمام ان پجاریوں اور پنڈتوں نے کلکتہ میں میوروڈ میں واقع گاندھی مورتی کے قریب شہریت ترمیمی ایکٹ اور این آر سی کے خلاف احتجاج کرتے ہوئے مطالبہ کیا کہ امن وامان کا قیام ہماری ترجیحات میں ہونا چاہئے۔ پجاریوں نے کہا کہ نئے قانون کی وجہ سے ملک خلفشارکا شکار ہوجائے گا۔ٹرسٹ کے جنرل سیکریٹری سریدھر مشرا نے کہا کہ اس قانون کے ذریعے ملک کے عوام کو مذہبی بنیاد پر تقسیم کرنے کی کوشش کی جارہی ہے۔ سی اے اے اور این آر سی کا مقصد ایک خاص کمیونٹی کو نشانہ بنانا ہے۔ یہ بہت ہی افسوس ناک ہے۔اگر اسی طرح ایک خاص کمیونٹی کونشانہ بنایا جاتا ہے تو اس سے ملک میں خلفشار پھیلنا فطری ہے۔ دہلی سمیت ملک بھر میں عوام نے شہریت ترمیمی ایکٹ،این آرسی اور این پی آر کے خلاف مظاہروں اور دھرنوں سے سن دو ہزار بیس کا آغاز کیا ۔نئے عیسوی سال کی آمد کے موقع پر ہندوستان کے دارالحکومت دہلی کے مختلف علاقوں، خاص طور پر شاہین باغ میں دھرنے پر بیٹھی خواتین نے، اکتیس دسمبر کی رات بھی سخت سردی کے باوجود اپنے دھرنوں کا سلسلہ جاری رکھا میڈیا رپورٹ کے مطابق شاہین باغ ہائی وے پر دھرنے پر بیٹھی خواتین اور مردوں نے اکتس دسمبر کی رات بارہ بجتے ہی شہریت ترمیمی ایکٹ اور این آر سی کے خلاف زبردست نعرے لگائے اور مرکزی حکومت سے ان دونوں متنازعہ قوانین کے ساتھ ہی، این پی آر کو بھی واپس لینے کا مطالبہ کیا ۔اسی کے ساتھ جامعہ ملیہ اسلامیہ کے سامنے بدھ یکم جنوری دو ہزار بیس کو زبردست احتجاجی مظاہرے کا اہتمام کیا گیا جامعہ ملیہ اسلامیہ کے سامنے شہریت ترمیمی ایکٹ ، این آر سی اور این پی آر کے خلاف یکم جنوری کے مظاہرے شروع ہوچکے ہیں۔ ان مظاہروں میں جامعہ ملیہ کے ساتھ ہی دہلی کی مختلف دیگر یونیورسٹیوں کے طلبا اور سماجی تنظیموں، سول سوسائٹی اور مختلف سیاسی جماعتوں کے نمائندے بھی شریک ہیں ۔اسی کے ساتھ اطلاعات ہیں کہ علی گڑھ مسلم یونیورسٹی کے طلبا نے اکتیس دسمبر کی رات بھی کیمپس میں کھلے آسمان کے نیچے گزاری ۔اس رپورٹ کے مطابق اے ایم یو کے طلبانے باب سید پر اپنا دھرنا جاری رکھنے کے ساتھ ہی گزشتہ راتوں کی طرح اکتیس دسمبر کی رات بھی کیمپس کے اندر جلوس نکالے اور شہریت ترمیمی ایکٹ اور این آرسی کی مخالفت کا اعلان کیا ۔اکتیس دسمبر کی رات بارہ بجتے ہی نیا عیسوی سال شروع ہونے پر اے ایم یو کے طلبانے زبردست نعرے بازی کی اور آئین سے متصادم شہریت ترمیمی ایکٹ اور این سی آر واپس لئے جانے تک اپنی تحریک جاری رکھنے کا اعلان کیا۔ مغربی بنگال کی وزیرا علی ممتا بنرجی نے پرولیا میں شہریت ترمیمی ایکٹ کے خلاف ایک جلوس کی قیادت کرتے ہوئے ملک کے تمام شہریوں سے متحد ہوکر بی جے پی کے ایجنڈے کو ناکام بنانے کی اپیل کی۔ ممتا بنرجی نے کہا کہ بی جے پی اس ملک کے عوام کے حقوق کو چھیننے کی کوشش کررہی ہے اور ہمیں حقوق کی حفاظت کیلئے چوکنا رہنے کی ضرورت ہے۔ وزیراعلی ممتا بنرجی نے کہا کہ ہندوستان ہم سب کا ہے،بنگال میں بہار، اترپردیش، راجستھان اور دیگر ریاستوں سے بڑی تعداد میں آکر آباد ہوگئے ہیں۔ یہاں ہرایک شخص کو یکساں حقوق حاصل ہے۔ کسی کو بھی کسی بھی شہری کو ملک سے بے دخل کرنے کا حق حاصل نہیں ہے۔ ممتا بنرجی نے کہاکہ بی جے پی گجرات،کرناٹک اور اترپردیش میں برسراقتدار ہے۔ کیا سارے ہندوستان کو وہاں بسائیں گے۔ ممتا بنرجی نے ہر ایک شہری سے اپیل کی کہ ووٹر لسٹ میں صحیح نام ہو۔ اس بات کو یقینی بنایا جائے گا۔یہ ہمارا وعدہ ہے کہ اس ملک سے کسی بھی شہری کو نکال باہر نہیں کیا جائے گا۔ ممتا بنرجی نے کہاکہ شہریت ترمیمی ایکٹ اور این آر سی ملک کو تقسیم کردینے والے اقدامات ہیں اس لیے ہم کسی بھی صورت میں بنگال میں نافذ نہیں ہونے دیں گے۔ شہریت ترمیمی ایکٹ، این آر سی اور این پی آر کے خلاف ملک کی سیاسی پارٹیوں اور سماجی تنظیموں نےتازہ دم ہوکر ایک بار پھر اپنے مظاہروں میں شدت پیدا کرنے کا اشارہ دیا ہے۔ بائیں بازو کی پارٹیوں نے بدھ یکم جنوری سے 7 روزہ ملک گیر مظاہروں کا اعلان کیا ہے جبکہ ملک کے مختلف علاقوں سے تعلق رکھنے والی 100 سے زائد تنظیموں نے بھی ایک پلیٹ فارم پر آکر جمعہ3 جنوری سے ملک گیر احتجاج شروع کرنے کا فیصلہ کیا ہے۔ دونوں ہی نے8جنوری کو ملک کی ٹریڈ یونینوں کے اعلان کردہ بھارت بند میں بھی شامل ہونے کا فیصلہ کیا ہے۔ واضح رہے کہ جنوری سے بی جے پی شہریت ترمیمی ایکٹ کی حمایت میں ملک گیر تحریک شروع کرنے جارہی ہے۔ ایسے میں اپوزیشن پارٹیاں اور سماجی تنظیمیں بھی کمر کس رہی ہیں۔ مرکز کی ظالم حکومت کے خلاف ممتا بنرجی نے اپوزیشن کے اتحاد کا جونعرہ دیاتھا اور شہریت ایکٹ، این آر سی نیز این پی آر کیلئے مشترکہ حکمت عملی بنانے کی جو اپیل کی تھی اس پر بھی مثبت پیش رفت کی امید ظاہر کی جارہی ہے۔

لاہور(آئی این پی)ملک بھر کی طرح لاہور میں بھی سوئی گیس کا مسئلہ سنگین صورتحال اختیار کر گیا ہے،جس کے باعث گھریلو معمولات زندگی بری طرح متاثر ہونے لگے ہیں۔تفصیلات کے مطابق صوبائی دارالحکومت کے پوش علاقے سبزہ زار،مرغزدار،ملتان چونگی،اسلام پورہ،اچھرہ،گلشن راوی،مصطفیٰ ٹاو¿ن،وحدت روڈ ،یتیم خانہ، علامہ اقبال ٹاو¿ن ،اعظم گارڈن،رانا ٹاو¿ن،قلعہ گجر سنگھ،جعفری کالونی،کرشن نگر سمیت دیگر علاقوں میں یس کی فراہمی شدید متاثر ہے اور جن علاقوں میں سوئی گیس آ رہی ہے،وہاں گیس کا پریشر نہ ہونے کے برابر ہے،جس کی وجہ سے خواتین کو شدید مشکلات کا سامنا ہے۔ گیس کی لوڈشیڈنگ کے باعث ایل پی جی کی مانگ بڑھ گئی ہے،جس کے باعث منافع خور منہ مانگی قیمتیں وصول کررہے ہیں۔

بغداد (اے پی پی) بغداد میں ہزاروں افراد نے امریکی فضائی حملوں کے خلاف امریکی سفارتخانے کے باہر احتجاج کیا۔ امریکی خبر رساں ادارے کے مطابق مظاہرین نے سفارتخانے پر دھاوا بولنے کی کوشش کی۔ یہ کوشش امریکی حملے میں ہلاک ہونے والے افراد کی نماز جنازہ کی ادائیگی کے بعد ہوئی جس کے بعد ہزاروں افراد بغداد کے سخت سکیورٹی والے علاقے گرین زون کی جانب مارچ کرتے ہوئے امریکی سفارتخانے تک ہنچ گئے۔ مظاہرین نے امریکہ کے خلاف نعرے بازی کی، پانی کی بوتلیں سفارتخانے کی طرف پھینکیں اور باہر لگے سکیورٹی کیمرے توڑ دیئے۔ اس کے علاوہ انہوں نے دیواروں اور کھڑکیوں پر کتائب حزب اللہ کی حمایت میں وال چاکنگ بھی کی۔ برطانوی خبر رساں ادارے نے عراقی وزارتِ خارجہ کے حوالے سے بتایا ہے کہ بغداد میں امریکی سفیر اور سفارتی عملے کو وہاں سے نکال لیا گیا ہے۔مظاہرین کو سفارت خانے میں داخل ہونے سے روکنے کے لیے عراقی سپیشل فورسز کے دستے مرکزی دروازے پر تعینات کئےگئے تھے۔ مظاہرین میں ایرانی حمایت یافتہ ملیشیاءعصائب اہل الحق کے رہنما قیس الخزالی اور کئی دیگر سینئر ملیشیاءرہنما بھی شامل تھے جبکہ عمارت کے گرد موجود باڑ پر کتائب حزب اللہ کے پرچم آویزاں کر دیئے گئے۔سعودی ذرائع ابلاغ کے مطابق عراق میں امریکی سفیر میتھیو ٹیولر اور سفارت خانے کے عملہ کے دیگر ارکان بغداد کے بین الاقوامی ایئر پورٹ سے نامعلوم مقام کی جانب روانہ ہو گئے ہیں۔ سعودی ذرائع ابلاغ کے مطابق عراقی وزارت خارجہ نے اس واقعہ پر تبصرہ کرنے سے انکار کیا ہے۔اس سے قبل عراقی وزارت خارجہ نے اعلان کیا تھا کہ وہ بغداد میں امریکی سفیر کو طلب کرنے کا ارادہ رکھتی ہے تا کہ انہیں عراقی حزب اللہ ملیشیاءکے ٹھکانوں پر بمباری کے حوالے سے عراقی حکومت کی مذمت سے آگاہ کیا جا سکے۔

چین کی معروف ٹیکنالوجی کمپنی ہواووے کی جانب سے 2019 کی سالانہ آمدنی کے ریکارڈ کا اعلان کردیا گیا ہے۔امریکا کی جانب سے پابندیاں عائد کیے جانے کے باوجود بھی ہواووے کمپنی کا 2019 میں سالانہ آمدنی ریکارڈ 122 بلین امریکی ڈالر رہا۔دی گارجین کی رپورٹ کے مطابق کمپنی کے روٹیٹنگ چیئرمین ایرک زو نے بتایا کہ کمپنی کی 2019 کی سالانہ آمدن 850 بلین یوان رہی جو جنوری 2019 میں کی جانے والی توقع کے مطابق کم ہے۔ایرک زو کا کہنا تھا کہ اگر کمپنی کی 2018 کی سالانہ آمدنی کا مقابلہ کیا جائے تو 2019 کی سالانہ آمدنی میں پچھلے سال کے مقابلے میں 18 فیصد اضافہ ہوا ہے۔کمپنی کے روٹیٹنگ چیئرمین کا یہ بھی کہنا تھا کہ 2019 ہواووے کے لیے بہت بڑا سال تھا جب کہ آئندہ سال کمپنی کے لیے کافی مشکل ثابت ہوسکتا ہے کیونکہ امریکا کی جانب سے کمپنی کی تمام تر مصنوعات پر پابندی عائد ے۔علاوہ ازیں امریکی صدر ڈونلڈ ٹرمپ  نے ہواووے کو امریکی کمپنیوں کے ساتھ کاروبار کرنے سے بھی روک دیاہے۔واضح رہے کہ 2019 میں مئی کے مہینے میں امریکی کامرس ڈیپارٹمنٹ نے صدر ڈونلڈ ٹرمپ کے حکم پر عملدرآمد کرتے ہوئے ہواووے کمپنی کو بلیک لسٹ قرر دیا تھا۔امریکا کے جسٹس ڈیپارٹمنٹ نے بتایا تھا کہ ہواووے کمپنی امریکن ٹیکنالوجی چوری کررہی ہے اور ایران کے خلاف تجارتی پابندیوں کی خلاف ورزی کررہی ہے

لاہور: جسٹس مامون رشیدشیخ نے لاہور ہائی کورٹ کے49ویں چیف جسٹس کی حیثیت سے حلف اٹھالیا۔گورنر ہاؤس لاہور کے دربار ہال میں منعقدہ تقریب میں گورنر پنجاب چوہدری محمد سرور نے جسٹس مامون رشید سے چیف جسٹس کے عہدے کا حلف لیا۔سٹس مامون رشید شیخ نے اپنے پیش رو جسٹس سردار محمد شمیم احمد خان کی 31 دسمبر 2019 کو سبکدوشی کے بعد آج عہدے کا حلف لیا اور وہ 18 مارچ 2020 کو ریٹائر ہوجائیں گے۔تقریب حلف برداری کے موقع پر لاہور ہائیکورٹ کے ججز اور افسران، صوبائی وزرا، اٹارنی جنرل فار پاکستان، انسپکٹر جنرل (آئی جی) پولیس شعیب دستگیر، چیف سیکریٹری پنجاب، وفاقی و صوبائی لا افسران موجود تھے۔مزید پڑھیں: اسلام آباد ہائی کورٹ کی پہلی خاتون جج سمیت 3 ججز نے حلف اٹھا لیاان کے علاوہ تقریب میں پاکستان بار کونسل، پنجاب بار کونسل کے اراکین، لاہور ہائی کورٹ اور لاہور بار ایسوسی ایشن کے عہدیدار اور وکلا بھی شریک ہوئے۔بعد ازاں جسٹس مامون رشید کا ہائیکورٹ پہنچنے پر شاندار استقبال کیا گا اور انہیں گلدستہ پیش کیا جبکہ چاق و چوبند دستے نے انہیں سلامی پیش کی۔علاوہ ازیں چیف جسٹس مامون رشید شیخ نے ججز لاؤنج میں لاہور ہائی کورٹ کے ججز سے ملاقات کی، اس موقع پر چیف جسٹس نے دیگر ججز سے رسمی گفتگو کرتے ہوئے جلد اور معیاری انصاف کی فراہمی کے حوالے سے اپنا ویژن بھی پیش کیا

اسلام آباد(صباح نیوز) سپریم کورٹ آف پاکستان نے پی آئی اے کے تمام ملازمین کی اسناد کی تصدیق کرانے کا حکم دے دیا۔ عدالت نے آئندہ سماعت پر چیئرمین ایچ ای سی، ایم ڈی پی آئی اے اور اٹارنی جنرل کو طلب کر لیا۔چیف جسٹس گلزار احمد کی سربراہی میں 2 رکنی بینچ نے سماعت کی۔ درخواست گزار کے وکیل مدثر حسن رضا نے دلائل دیئے کہ پی آئی اے ملازمین نے آزاد کشمیر کی نجی یونیورسٹی سے تعلیمی ا سناد حاصل کیں، لازمین کبھی یونیورسٹی گئے نہیں لیکن ڈگریاں مل گئیں، ان اسناد کی بنیاد پر محکمانہ پروموشن حاصل کی گئی۔عدالت نے ریمارکس دیئے کہ الخیر یونیورسٹی محض دکھاوے کی جامعہ ہے، تعلیمی عمل کے بغیر ڈگریاں فروخت کی گئیں، بظاہر ڈگریوں کے حصول کا عمل غیر قانونی لگتا ہے، پی آئی اے یقینی بنائے ملازمین کی تعلیمی اسناد منظور شدہ تعلیمی اداروں سے ہوں۔ عدالت نے ڈگریوں کی تصدیق کر کے رپورٹ جمع کرانے کا حکم دیتے ہوئے سماعت ایک ماہ کے لیے ملتوی کر دی گئی۔