نازیبا ویڈیو سکینڈل سٹیج اداکارہ خوشبو پر ساتھی اداکاؤں کی نازیبا ویڈیوز بنانے کا الزام، مقدمہ درج

ایف آئی اے سائبر کرائم ونگ نے تھیٹر میں بیک اسٹیج اداکاراؤں کی کپڑے بدلتے ہوئے ویڈیوز بنانے کے معاملے پر اداکارہ خوشبو کے خلاف مقدمہ درج کرلیا۔گرفتار ملزم کاشف چن کے بیان پر درج مقدمہ میں اداکارہ ثوبیہ عرف خوشبوخان، عمران شوکی اور احمد سمیت دیگر ملزمان کے نام شامل ہیں مقدمہ تھیٹر مالک ملک طارق محمود کی درخواست پر درج کیا گیا۔ملزم کاشف چن نے دوران تفتیش انکشاف کیا کہ اس نے یہ فوٹیجز اداکارہ خوشبو کے کہنے پر بنائیں، طریقہ واردات یہ تھا کہ وہ چارجنگ کے بہانے اپنا موبائل فون اداکاراؤں کے کمرے ميں رکھ آتا تھا۔ اداکارہ خوشبو نے ویڈیوز بنانے کا ایک لاکھ روپے معاوضہ دیا تھا۔ملزم کاشف کے موبائل فون سے ویڈیوز برآمد کرلی گئی ہیں ،اس معاملے میں اہم نکتہ یہ ہے کہ اداکارہ خوشبو خان کی کچھ روز پہلے اسی تھیٹر مالک اور دیگر فنکاروں سے کسی اور بات پر تلخ کلامی ہوئی تھی اور وہ کام چھوڑ گئی تھیں۔