اسلام آباد: (ویب ڈیسک) وفاقی وزیر اطلاعات و نشریات فواد چودھری نے کہا ہے کہ اپوزیشن کو پھر پارلیمنٹ میں شکست ہوئی، ن لیگ اور زرداری گروپ کا 2023 کا الیکشن آخری ہوگا۔
سماجی رابطے کی ویب سائٹ ٹوئٹر پر پیغام جاری کرتے ہوئے فواد چودھری نے لکھا کہ انشااللہ 2023 کے انتخابات میں یہ چہرے پارلیمان سے مکمل باہر ہوں گے۔ ن لیگ کا اور زرداری گروپ کا 2023 کا انتخاب آخری ثابت ہوگا۔
وفاقی وزیر اطلاعات و نشریات نے اپنے ٹویٹ میں شاکر شجاع آبادی کا شعر بھی لکھا۔
فواد چودھری کے ٹوئٹ پر ردعمل دیتے ہوئے پاکستان مسلم لیگ (ن) کی ترجمان مریم اورنگزیب نے کہا کہ سرکاری اعلان ہوا ہے سچ بولو، جھوٹ کا صرف ایک چہرہ عمران خان ہے ، عوام بے روزگاری اور مہنگائی کرنے والے چہرے پہچان چکے ہیں اور عام انتخابات کا سال پی ٹی آئی کا آخری انتخاب ثابت ہوگا۔
