عالمی سب میرین کیبل میں خرابی، ملک بھر میں انٹرنیٹ سروسز متاثر

اسلام آباد: (ویب ڈیسک) عالمی سب میرین کیبل میں خرابی آنے کے باعث ملک بھر میں انٹرنیٹ سروسز بھی متاثر ہوگئیں۔
پی ٹی اے ترجمان کاکہناہے کہ ٹرانس ورلڈ سب میرین سسٹم میں ایک کیبل کٹ گئی ہے خرابی کی جگہ کا تعین کیا جارہا ہے۔
پاکستان ٹیلی کمیونیکیشن اتھارٹی کے ترجمان کے مطابق پیر کی شام ٹرانس ورلڈ سب میرین کیبل سسٹم میں ایک کیبل کٹ گئی، پاکستان کے سمندری ساحلوں سے تقریباً 4 سوکلومیٹر دور کیبل کٹی ہے جس سے انٹرنیٹ کی رفتارمیں کمی ہوسکتی ہے۔
ترجمان کے مطابق صارفین کو کسی بھی قسم کی پریشانی سے بچانے کے لیے متبادل انتظامات کئے جارہے ہیں، جگہ کی خرابی اور انٹرنیٹ کی مکمل بحالی کے وقت کے تعین کے لیے کوششیں کی جارہی ہیں۔