نئی دہلی: (ویب ڈیسک) بھارتی اینکروں کی جہالت کے چرچے سمندر پار بھی ہونے لگے، چینل ٹائمز ناؤ کے اینکر نے یوکرینی مہمان کو امریکی سمجھ کر کھری کھری سنا دیں۔
غیر ملکی میڈیا رپورٹس کے مطابق بھارتی اینکر نے جہالت کی انتہا کرتے ہوئے افغانستان اور عراق میں امریکا کے ہاتھوں ہونے والی تباہی کا تذکرہ چھیڑ دیا، خاموش بیٹھا امریکی مہمان آخر کار پوچھنے پر مجبور ہوگیا کہ میں نے کیا کیا؟ میرانام بار بارکیوں لیا جارہا ہے، مجھ پر کیوں چلا رہے ہو۔
بھارتی اینکر نے وضاحت دی کہ وہ ان سے نہیں بلکہ مک ایڈمز سے مخاطب ہیں، خاموش بیٹھے مہمان نے بتایا کہ وہی مک ایڈمز ہیں، اپنی غلطی کا اندازہ ہوا تو بھارتی اینکر کھسیانی بلی بن گیا۔
خیال رہے کہ دنیا کے سامنے حماقت کا مظاہرہ کرنے والا کوئی عام بھارتی اینکر نہیں بلکہ بھارتی چینل کا ایڈیٹر ان چیف ہے۔
