وزیر اعظم نے آج اہم مشاورتی اجلاس طلب کر لیا، وزیرداخلہ سے اہم ملاقات شیڈول

اسلام آباد: (ویب ڈیسک) وزیر اعظم عمران خان نے آج اہم مشاورتی اجلاس طلب کر لیا، وزیر داخلہ شیخ رشید کی بھی وزیر اعظم سے اہم ملاقات شیڈول ہے۔
ذرائع کے مطابق وزیراعظم عمران خان نے سینئر وزرا کو وزیر اعظم ہاؤس بلا لیا ہے جن میں اسدعمر، شیخ رشید، فواد چودھری سمیت دیگر وزرا شریک ہوں گے۔ تحریک عدم اعتماد کے حوالے سے وزیراعظم کی اپنے بااعتماد ساتھیوں سے ملاقاتیں جاری ہیں، گذشتہ روز عمران خان سے سپیکر قومی اسمبلی اسد قیصر نے ملاقات کی، ملاقات میں وزیراعظم نے قانونی ٹیم کو منحرف ارکان کے خلاف کارروائی کی ہدایت دی۔
پاکستان تحریک انصاف (پی ٹی آئی) اپنے منحرف ارکان پارلیمنٹ کے خلاف قانونی و آئینی کارروائی کا فیصلہ کر چکی ہے جس کے لیے سپیکر کو باقاعدہ لکھا جائے گا۔
وزیراعظم پہلے ہی کہہ چکے ہیں کہ منحرف ارکان ضمیر فروش ہیں، کسی بھی طور بلیک میل نہیں ہوں گا۔