لاہور : (ویب ڈیسک) کنڈیشننگ کیمپ میں کھیلے گئے پریکٹس میچ میں بابراعظم کی زیر قیادت این ایچ پی سی ایگلز نے اپنے بیٹرز کی عمدہ بیٹنگ کے سہارے 311 رنز بنا ڈالے.
شاہینز آج 312 رنز کے ہدف کا تعاقب کریں گے جن کی کپتانی محمد آصف کر رہے ہیں۔ایل سی سی اے گراؤنڈ پر ایگلز کے کپتان بابراعظم نے 18رنز پر آؤٹ ہونے کے بعد اپنی اننگز جاری رکھی اور ایک چھکے کے علاوہ بارہ چوکوں سمیت 72 رنز بنائے
جبکہ دونوں اوپنرز میں سے امام الحق 68 اور فخر زمان 67 رنز بنا کر نمایاں رہے اور بعد میں افتخار احمد نے 67 اور محمد نواز نے دو چھکوں سمیت 16رنز کا اضافہ کرکے اپنی ٹیم کو 311 رنز تک پہنچا دیا جو 49 ویں اوور میں آل آؤٹ ہو گئی۔میر حمزہ،ارشد اقبال اور شاہنواز ڈاہانی نے دو،دو جبکہ زاہد محمود نے ایک وکٹ حاصل کی۔
قومی ٹیم کا کنڈیشننگ کیمپ، پریکٹس میچ ، ایگلز کے بیٹرز کی عمدہ بیٹنگ
