ممبئی : (ویب ڈیسک) بھارتی گلوکار کے کے کی موت کی وجوہات جاننے کے لیے تحقیقات کا آغاز کر دیا گیا، پولیس نے غیر طبعی موت کا مقدمہ درج کرلیا۔
پولیس سی سی ٹی وی فوٹیج سے یہ جاننے کی کوشش کررہے ہیں کہ بھارتی گلوکار کو اسپتال لے جانے سے پہلے کیا ہوا تھا، پوسٹ مارٹم مکمل ہونے کے بعد کے کے کی لاش کو ممبئی لے جایا جائے گا۔
کے کے دوران پرفارمنس پسینے میں شرابور اور بے چین بھی دکھائی دئیے کیونکہ آڈیٹوریم میں اے سی کام نہیں کررہے تھے جبکہ ان کو اسپتال لے جاتے کی ویڈیو بھی منظر عام پر آگئی ہے۔
یاد رہے گزشتہ رات بھارت کے معروف گلوکار کے کے 53 سال کی عمر میں ایک لائیو پرفامنس کے دوران انتقال کر گئے۔ بھارتی میڈیا رپورٹس کے مطابق بھارتی گلوکار کلکتہ میں ایک تقریب میں پرفام کر رہے تھے کہ اس دوران ان کو دل کا دورہ پڑا جس سے وہ جانبر نہ ہو سکے۔
کے کے نے اپنا پہلا البم پال 1999 میں ریلیز کیا تھا، گلوکار موسیقار، جن کا اصل نام کرشنا کمار کنناتھ تھا، نے بالی ووڈ پلے بیک سنگر کے طور پر خوب نام بنایا۔
انہوں نے تڑپ تڑپ (ہم دل دے چوکے صنم، 1999)، دس بہانے (دس، 2005) اور ٹیون ماری انتریان (گنڈے، 2014) جیسی ہٹ فلموں میں اپنے سر بکھیرے۔
کے کے کی “غیر طبعی” موت کا مقدمہ درج
