سابق کپتان سرفراز احمد کو بیٹے نے کلین بولڈ کر دیا

لاہور: (ویب ڈیسک) قومی ٹیم کے سابق کپتان سرفراز احمد کو ان کے ننھے بیٹے عبداللہ نے کلین بولڈ کردیا۔
تفصیلات کے مطابق سرفراز احمد کو ان کے بیٹے عبداللہ نے یارکر پر کلین بولڈ کیا جس کی ویڈیو سوشل میڈیا پر وائرل ہوگئی جس کی دھوم مچی ہوئی ہے۔
ویڈیو میں دیکھا جاسکتا ہے عبداللہ نے یارکر کرایا جسے سرفراز احمد سمجھ نہ سکے اور بولڈ ہوگئے۔
واضح رہے کہ عبداللہ اس سے قبل بھی کئی قومی کرکٹرز کو بولنگ کروا چکے ہیں انہوں نے باسط علی کو آؤٹ سوئنگ کرکے آؤٹ کیا تھا۔ عبداللہ کی باؤلنگ کی تعریف فاسٹ باؤلر محمد عامر سمیت کئی کرکٹرز کرچکے ہیں، کرکٹرز کا کہنا تھا کہ مستقبل میں وہ قومی ٹیم کا حصہ ہوں گے۔
اس سے قبل سرفراز احمد نے نجی ٹی وی سے گفتگو کرتے ہوئے کہا تھا کہ میرے بیٹے عبداللہ کی کرکٹ میں دلچسپی ہے لیکن میں نہیں چاہتا کہ وہ کرکٹر بنے۔ ایک کرکٹر ہونے کے ناطے میں نے بہت سی چیزیں برداشت کیں جن کا میں عبداللہ کو سامنا نہیں کروانا چاہتا۔