تازہ تر ین

عام انتخابات میں نواز شریف انتخابی مہم کی قیادت کرینگے: رانا ثناء اللہ

ریاض: (ویب ڈیسک) وفاقی وزیر داخلہ رانا ثناء اللہ نے کہا ہے کہ ملک عمرانی فتنے، فساد اور سیاسی انتشار کا متحمل نہیں ہوسکتا۔ 25 مئی کو آئین کی دی گئی طاقت سے ملک میں ریاستی عملداری قائم کی۔ حکومت مدت پوری کریگی۔
ان خیالات کا اظہار انہوں نے سعودی عرب میں مقیم اوورسیز پاکستانیوں کی استقبالیہ تقریب سے خطاب کرتے ہوئے کیا، استقبالیہ تقریب میں بڑی تعداد میں سعودی عرب میں مقیم پاکستانیوں نے شرکت کی۔
وزیر داخلہ نے خطاب میں تقریب کے شرکاء کو ملک کو درپیش سیاسی اور معاشی چیلنجز سے آگاہ کیا اور حکومت کی جانب سے ملکی معاشی اصلاحات اوراستحکام کی کوششوں سے متعلق شرکاء کو اعتماد میں لیا۔
رانا ثناء اللہ نے کہا کہ انکی جماعت مسلم لیگ (ن) اوورسیز پاکستانیوں کی بہتری کیلئے اقدامات کر رہی ہے۔ عام انتخابات میں سابق وزیراعظم نواز شریف انتخابی مہم کی قیادت کرینگے۔ سعودی عرب پاکستان کا بہترین دوست اور برادر ملک ہے جس نے مشکل ترین حالات میں پاکستان کی فراخدلانہ مدد کی۔ ہماری اتحادی حکومت نے پاکستان کو معاشی طور پر دیوالیہ ہونے سے بچایا۔
انہوں نے کہا کہ وزیراعظم شہباز شریف کی زیر قیادت ہماری حکومت پاکستان کو جلد معاشی بحران سے نکال لے گی۔ اپنی سیاست داؤ پر لگا کر ملکی مفاد میں سخت ترین فیصلے کئے جسکا بوجھ عوام پر بھی پڑا۔ مشکل وقت گزر چکا،پاکستان اب معاشی اور سیاسی استحکام کی طرف گامزن ہے۔ عمران خان کی حکومت نے آئی ایم ایف سے معاہدے کی خلاف ورزی کرکے ملک دشمنی کی۔ آئی ایم ایف سے معاہدے کی تجدید میں تاخیر عمران خان حکومت کی یہی وعدہ خلافیاں ہیں۔ آئی ایم ایف سے مالی معاہدے کی تجدید ملکی معیشت اور استحکام کےلئے ناگزیر ہے۔ ملک عمرانی فتنے، فساد اور سیاسی انتشار کا متحمل نہیں ہوسکتا۔ 25 مئی کو آئین کی دی گئی طاقت سے ملک میں ریاستی عملداری قائم کی۔ حکومت اپنی آئینی مدت پوری کریگی۔انتخابات وقت مقررہ پر ہونگے۔
وزیر داخلہ کا کہنا تھا کہ حکومت مہنگائی میں بتدریج کمی کیلئے اقدامات کررہی ہے۔عوام کوریلیف دینگے۔ نواز شریف آئندہ انتخابات میں جماعت کی قیادت کرینگے۔ مسلم لیگ (ن) سے زیادہ کسی بھی دوسری سیاسی جماعت نے اوورسیز پاکستانیوں کے مفاد میں فیصلے نہیں لئے۔ بیرون ملک پاکستانی ہمارا بہترین قومی اثاثہ ہیں، ان کی ترسیلات سے ہی معیشت میں استحکام ہے۔ بیرون ممالک مقیم پاکستانی اندرون ملک بسنے والے شہریوں سے کہیں زیادہ وطن سے محبت کرنے والے ہیں۔ بیرون ملک پاکستانیوں کیلئے نادرا، پاسپورٹ اور دیگر سہولیات میں آسانیاں پیدا کر رہے ہیں۔
رانا ثناء اللہ نے کہا کہ ای پاسپورٹ کی سہولت کا دائرہ کار عام پاکستانی پاسپورٹ کے اجراء تک بڑھایا جارہاہے۔ ای پاسپورٹ سے عام پاکستانی شہریوں کیلئے بھی امیگریشن اور ویزاسہولیات میں آسانی پیدا ہوگی۔ سعودی عرب میں مقیم تمام پاکستانی شہری ووٹ دینے کے اہل ہیں۔ ضروری قانون سازی کردی ہے۔ بیرون ملک پاکستانیوں کے ووٹ ڈالنے کےطریقہ کار کو حتمی شکل دے رہے ہیں- اوورسیز پاکستانیوں کے ووٹ کوآئندہ انتخابات میں یقینی بنائیں گے۔ سعودی عرب نے پاکستان کی مشکل ترین حالات میں ہمیشہ مدد کی ہے۔ پاکستانی ورکرز اور پروفیشنلز کو ملازمت کے مواقع فراہم کرنے پر ہم سعودی حکومت کے شکر گزار ہیں۔ اوورسیز پاکستانیوں کو انکے مسائل جلد حل کرنے کی یقین دہانی کراتے ہیں۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain