اسلام آباد پولیس نے شہباز گل پر تشدد سے متعلق اشتہار جاری کر دیا

اسلام آباد: (ویب ڈیسک) اسلام آباد پولیس نے پاکستان تحریک انصاف (پی ٹی آئی) کے رہنما اور عمران خان کے چیف آف سکیورٹی ڈاکٹر شہباز گل پر تشدد سے متعلق اشتہار جاری کر دیا۔
سماجی رابطے کی ویب سائٹ ٹویٹر پر اسلام آباد پولیس کی طرف سے جاری کردہ اشتہار میں لکھا تھا کہ بتعمیل حکم مؤرخہ 18.08.20222ء مجاریہ عدالت عالیہ اسلام آباد ہر خاص و عام کو مطلع کیا جاتا ہے مقدمہ نمبر 2022/691 مؤرخہ 9 اگست 2022ء کو تھانہ کوہسار ضلع اسلام آباد میں کسی بھی شخص کے پاس مقدمہ سے متعلق یا ملزم محمد شہباز شبیر عرف شہباز گل پر تشدد سے متعلق کوئی بھی شہادت موجود ہے اور وہ اپنی شہادت و بیان قلمبند کروانا چاہتا ہے تو وہ آئی جی اسلام آباد کے آفس سنٹرل پولیس آفس سیکٹر ایچ الیون پولیس لائنز ہیڈ کوارٹرز اسلام آباد پر مؤرخہ 20 اگست 2022ء بوقت صبح 8 بجے سے لیکر 12 بجے تک اپنا بیان قلمبند کروا سکتا ہے۔