ایم ایس دھونی نے بھی فلمی دنیا میں قدم رکھ دیا

ممبئی: (ویب ڈیسک) سابق بھارتی کرکٹر مہندر سنگھ دھونی عرف ایم ایس دھونی فلم انڈسٹری میں بطورِ پروڈیوسر قدم رکھ دیا ہے۔
بھارتی میڈیا رپورٹ کے مطابق بھارتی کرکٹر ایم ایس دھونی مشہور تامل اداکارہ نیانتھارا کی آنے والی فلم زریعے بطورِ پروڈیوسر تامل فلموں کی نگری کالی ووڈ میں ڈیبیو کر رہے ہیں ،ان کی نئی پروڈکشن کمپنی تامل، تیلگو اور ملیالم فلموں کی پشت پناہی کرے گی۔
بھارتی نیوز ویب سائٹ کی ایک حالیہ رپورٹ کے مطابق ایم ایس دھونی کالی وڈ میں انٹری دینے کے لیے بالکل تیار ہیں اور انہوں نے اپنی پہلی فلم کے لیے رجنی کانت کے قریبی ساتھی سنجے کی خدمات حاصل کی ہیں۔
علاوہ ازیں اداکارہ نیانتھارا کرکٹر کے پہلے پروڈکشن وینچر میں مرکزی خاتون اداکارہ کے طور پر کام کریں گی جبکہ جلد اس کا باضابطہ اعلان بھی جلد متوقع ہے۔
خیال رہے کہ ایم ایس دھونی واحد بھارتی کرکٹر نہیں ہیں جنہوں نے کالی ووڈ فلموں میں قدم رکھا، اس سے قبل ہربھجن سنگھ اور عرفان پٹھان جیسے کرکٹرز نے بھی فلم انڈسٹری میں اہم کردار ادا کیا ہے۔
یاد رہے کہ بھارتی کرکٹ ٹیم کے کھلاڑی شیکھر دھون بھی اداکارہ ہما قریشی اور سوناکشی سنہا کی آنے والی فلم ‘ڈبل ایکس ایل’ سے بالی وڈ میں ڈیبیو کررہے ہیں۔