لاہور : (ویب ڈیسک) پاکستانی ماڈل اور اداکارہ کرن ملک نے اپنی پہلی فلم ضرار میں معروف اداکار شان شاہد کے ساتھ کام کا تجربہ شیئر کردیا ۔
کرن ملک نے اپنے حالیہ انٹرویو میں شان شاہد کو بہترین اداکار قرار دیتے ہوئے کہا کہ شان نہ صرف اچھے اداکار ہیں بلکہ اچھے ڈائریکٹر بھی ہیں اور فلم کے سیٹ پر کافی سختی کرتے ہیں ۔
اداکارہ کا کہنا تھا کہ ایسا لگتا ہے جیسے شان شاہد بہت غصے والے ہیں مگر ساتھ ساتھ ہی وہ بہت زیادہ ہنسی مذاق بھی کرتے رہتے ہیں ۔
انہوں نے کہا کہ شان شاہد کے ساتھ کام کرنے کے بعد میںنے بہت کچھ سیکھا ہے جو کیرئیر میں آگے جا کر میرے بہت کام آئے گا۔
اداکارہ کا کہنا تھا کہ شان دوسروں کا بہت خیال رکھتے ہیں اور نہایت پروفیشنل ہونے کے ساتھ نئے لوگوں کی حوصلہ افزائی کرتے ہیں جبکہ ہر وقت ان کی مدد کے لئے سیٹ پر تیار رہتے ہیں۔
اداکارہ نے مزید کہا کہ مجھے اگر مزید بھی اچھے پراجیکٹ ملے تو میںاداکاری ضرور کروںگی ، ہر کردار نبھانے کےلئے بہت ساری محنت کرنی پڑتی ہے ۔
شان شاہد نئے لوگوں کی حوصلہ افزائی کرتے ہیں :کرن ملک
