پشاور : (ویب ڈیسک) پشاورمیں ایف آئی اے اور حساس اداروں کی کارروائی ، حوالہ ہنڈی کے غیرقانونی کاروبار میں ملوث دو ملزمان گرفتار کرلیے ۔
ایف آئی اے حکام کے مطابق صوبائی دارالحکومت پشاور میں ایف آئی اے اور حساس اداروں نے مشترکہ کارروائی کرتے ہوئے حوالہ ہنڈی اور کرنسی کے غیر قانونی کاروبار میں ملوث 2 ملزمان گرفتار کرلیے ۔
ایف آئی اے حکام کا کہنا ہے کہ ملزمان کے قبضے سے 3 کروڑ 75 لاکھ روپےاور ہنڈی حوالہ سے متعلق رسیدیں برآمد کرلی گئیں ، ملزمان گزشتہ 5 سال سے ہنڈی حوالہ کے غیر قانونی کاروبار میں ملوث ہیں ۔
ایف آئی اے کی جانب سے ملزمان کے موبائل فونز فرانزک کے لئے ارسال کر دیئےگئے ہیں۔
