ہیلز کی پی ایس ایل کو ترجیح، بنگلا دیش کیخلاف ون ڈے سیریز سے دستبردار

لاہور: (ویب ڈیسک) انگلینڈ کے اوپنر بیٹر ایلکس ہیلز بنگلا دیش کے خلاف ون ڈے سیریز سے دستبردار ہو گئے ہیں۔
ایلکس ہیلز انٹرنیشنل ٹی 20 لیگ (آئی ایل ٹی 20) اور پی ایس ایل معاہدوں کے باعث دستبردار ہوئے، ہیلز نے انگلینڈ ٹیم کے ساتھ دورہ بنگلا دیش کے بجائے پی ایس ایل کھیلنے کو ترجیح دی۔
انگلینڈ کرکٹ ٹیم کے کوچ میتھیو موٹ نے کہا کہ ہم نےایلکس ہیلز کے ساتھ بات کی تھی، ان کا ٹی 20 ورلڈکپ شاندار رہا، ان کے لیے اب بھی دروازے کھلے ہیں۔
انہوں نے کہا کہ ورلڈکپ 2023 کے سکواڈ کے لیے بیٹھیں گے تو کسی سے رنجش نہیں رکھیں گے، کوئی فارم میں ہے اور بھارت میں ہمارے لیے اچھا ثابت ہو سکتا ہے تو اس کو لیں گے۔
خیال رہے کہ ایلکس ہیلز کو 2019 کے ورلڈکپ سے قبل سکواڈ سے نکال دیا گیا تھا، ہیلز گزشتہ برس ستمبر تک ٹیم سے دور رہے۔
بنگلا دیش اور انگلینڈ کے درمیان پہلا ون ڈے یکم مارچ کو ڈھاکا میں کھیلا جائے گا تاہم پی ایس ایل کے لیےانگلینڈ کے کرکٹر ایلکس ہیلزکا اسلام آباد یونائیٹڈ کے ساتھ معاہدہ ہے۔