تازہ تر ین

بابر اعظم اور محمد رضوان امریکی یونیورسٹی ہارورڈ جانے کیلئے پر عزم

اسلام آباد: (ویب ڈیسک) پاکستان کے مایہ ناز بلے باز بابر اعظم اور محمد رضوان معروف امریکی یونیورسٹی ہارورڈ کے پروگرام دی بزنس آف انٹرٹینمنٹ، میڈیا اینڈ سپورٹس (بی ای ایم ایس) میں شرکت کرنے والے پہلے پاکستانی کرکٹرز بن جائیں گے۔
یوم تکریم شہداء پاکستان کی تقریب، بابر اعظم اور محمد رضوان کی شرکت
دونوں عالمی شہرت یافتہ پاکستانی بلے باز 31 مئی سے تین جون تک جاری رہنے والے پروگرام میں شرکت کے لیے کراچی سے امریکہ کا سفر کریں گے، بابر اعظم اور محمد رضوان بوسٹن شہر میں موجود ہارورڈ بزنس اسکول کے کیمپس میں کلاسز لیں گے۔
قومی کرکٹ ٹیم کے سابق کپتان راشد لطیف نے بھی سماجی رابطوں کی ویب سائٹ ’ٹوئٹر‘ پر جاری کردہ بیان میں اس امر کی تصدیق کی ہے۔
مؤقر ویب سائٹ کے مطابق قومی کرکٹ ٹیم کے کپتان بابر اعظم نے کہا ہے کہ میں وہ انسان ہوں جو زندگی بھر سیکھنے کے عمل سے گزرتا ہے، میں نے پروفیسر ایلبرس اور رحمانی کے ساتھ اس پروگرام کے بارے میں تفصیلی بات چیت کی ہے۔
بابر اعظم کے مطابق ہارورڈ میں اس عالمی معیار کے پروگرام میں شامل ہونے کا مقصد وہاں سے سیکھنا اور پھر پوری دنیا میں اپنی کمیونٹی کو واپس کرنا ہے۔
محمد رضوان کے مطابق ایسے باوقار عالمی اسٹیج پر پاکستان کی نمائندگی کرنا ایک بہت بڑا اعزاز ہے، ہم ہارورڈ کے بی ای ایم ایس پروگرام میں جا رہے ہیں تاکہ دنیا کے بہترین لوگوں سے سیکھ سکیں اور ساتھ ہی ساتھ اپنے سفر اور تجربے کو سب کے ساتھ بانٹیں۔
محمد رضوان کا کہنا ہے کہ مجھے یقین ہے کہ یہ ایک دلچسپ سفر ہو گا اور میں کرکٹ کی دنیا کے اگلے سپر اسٹارز کے ساتھ اپنے تجربات شیئر کرنے کا منتظر ہوں۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain