اسرائیلی آرمی چیف نے حماس کے حملے کو روکنے میں ناکامی کا اعتراف کر لیا۔
اسرائیلی فوج کے سربراہ نے اعتراف کیا ہے کہ ہفتے کے روز حماس کے حملے کو روکنے میں ناکامی سکیورٹی فورسز کی غلطی ہے۔
لیفٹیننٹ جنرل ہرزی حلوی نے کہا کہ "آئی ڈی ایف [اسرائیل ڈیفنس فورسز] ملک اور اس کے شہریوں کے دفاع کی ذمہ دار ہے لیکن ہفتے کی صبح غزہ کے ارد گرد کے علاقے میں ہم اس پر پورا نہیں اترے۔
ان کا کہنا تھا کہ اس حملے سے ہم سیکھیں گے تحقیقات کریں گے لیکن اب جنگ کا وقت آگیا ہے۔
فلسطین کے مزاحمتی گروپ حماس اور اسرائیل کے مابین جنگ کا آج چھٹا روز ہے، جس طرح صہیونی فورسز نے دنیا کے سب سے بڑے محصور شہر غزہ کو فضائی بمباری کے ذریعے تباہ و برباد کر دیا ہے، اسی طرح حماس کے حیرت انگیز میزائل حملوں نے اسرائیلی معیشت کو ایک بہت بڑا جھٹکا پہنچا دیا ہے۔
