تہران: (ویب ڈیسک) ایران کی سینئر اداکارہ زری خوشکم 76 سال کی عمر میں انتقال کر گئیں۔
ایرانی میڈیا کے مطابق زری خوشکم کی موت ایران کے دارالحکومت تہران میں ہوئی تاہم ان کی موت کی وجہ کے حوالے سے تفصیلات جاری نہیں کی گئیں۔
ایرانی میڈیا کے مطابق زری خوشکم مرحوم ایرانی فلم ساز علی حاتمی کی بیوہ تھیں، ان کی بیٹی لیلیٰ حاتمی بھی مشہور اداکارہ ہیں۔
میڈیا رپورٹ کے مطابق اداکارہ کو تہران میں واقع قبرستان میں اپنے شوہر کے پہلو میں سپرد خاک کیا گیا ہے۔
یاد رہے کہ سینئر ایرانی اداکارہ زری خوشکم نے تہران اور لندن سے تعلیم حاصل کرنے کے بعد بطور اداکارہ 24 سالہ کی عمر میں اپنا کیریئر شروع کیا تھا۔
