یاموسوکرو: آئیوری کوسٹ کے شمالی علاقے میں سڑک کنارے بغیر انڈیکیٹر دیئے کھڑے ایک آئل ٹینکر سے تیز رفتار مسافر بس جگہ کی تنگی کے باعث جا ٹکرائی۔
عرب میڈیا کے مطابق آئل ٹینکر سے ٹکرانے کے باعث خوفناک آگ بھڑک اُٹھی جس میں بری طرح جھلس کر 13 مسافر ہلاک اور 45 زخمی ہوگئے۔ زخمیوں میں سے 19 بچے بھی شامل ہیں۔
یہ حادثہ آئیوری کوسٹ کے ایک مرکزی شاہراہ پر ہوا جو دو بڑے شہروں بواکے اور کورہوگو کو آپس میں ملاتی ہے۔
ٹریفک پولیس کا کہنا ہے کہ آئل ٹینکر مخالف لین پر کھڑا تھا جس کی وجہ سے سڑک کی چوڑائی کم ہوگئی اور انڈیکیٹر بھی بند ہونے کے باعث بس ڈرائیور اندازہ نہیں لگایا جا سکا۔
ہلاک اور زخمی ہونے والوں ریبی شہروں کاٹیولا اور نیاکارا کے ہسپتالوں میں منتقل کردیا گیا جہاں 6 زخمیوں کی حالت نازک ہونے کے سبب ہلاکتوں میں اضافے کا خدشہ ہے۔
آئیوری کوسٹ میں ٹریفک قوانین کی پابندی نہ کرنے، ناقص انفرا اسٹریکچر اور گاڑیوں کی ابتر کے باعث ایسے حادثات عام ہیں۔
