ایچ بی ایل پاکستان سپر لیگ (پی ایس ایل) 10 میں اسلام آباد یونائیٹڈ نے ملتان سلطانز کو رنز سے شکست دے دی۔
راولپنڈی کرکٹ اسٹیڈیم میں کھیلے گئے ایونٹ کے ساتویں میچ میں ملتان سلطانز کی ٹیم ہدف کے تعاقب میں 18.4 اوورز میں 155 رنز بنا کر آؤٹ ہوگئی۔
سلطانز کی جانب سے محمد رضوان 38 رنز بنا کر نمایاں رہے۔ افتخار احمد 32، عثمان خان 31، کامران غلام 17، مائیکل بریسویل 16، کرس جورڈن 5، اسامہ میر 1، شائی ہوپ 1، ڈیوڈ ولی 1 اور محمد حسنین 0 کے اسکور پر آؤٹ ہوئے۔
یونائیٹڈ کی جانب سے جیسن ہولڈر نے 4، عماد وسیم نے 2 جبکہ شاداب خان، محمد شہزاد، نسیم شاہ اور رائلے میریڈتھ نے 1، 1 کھلاڑی کو آؤٹ کیا۔
اس سے قبل ملتان سلطانز کی دعوت پر اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 202 رنز اسکور کیے۔
یونائیٹڈ کی جانب سے صاحبزادہ فرحان 53 رنز بنا کر نمایاں رہے۔ کولن منرو 48، حیدر علی 33، کپتان شاداب خان 14، آندرے گوس 9 اور اعظم خان 4 رنز بنا کر آؤٹ ہوئے۔
جیسن ہولڈر دھواں دار 32 اور نسیم شاہ 1 کے انفرادی اسکور پر ناٹ آؤٹ پویلین لوٹے۔
سلطانز کی جانب سے کرس جورڈن نے 2 جبکہ ڈیوڈ ولی، اسامہ میر، عبید شاہ اور محمد حسنین نے 1، 1 وکٹ حاصل کی۔اسکواڈ:
اسلام آباد یونائیٹڈ: آندرے گوس، صاحبزادہ فرحان، کولن منرو، حیدر علی، اعظم خان (وکٹ کیپر)، شاداب خان (کپتان)، جیسن ہولڈر، محمد شہزاد، عماد وسیم، نسیم شاہ، رائلے میریڈتھ
ملتان سلطانز: محمد رضوان (کپتان، وکٹ کیپر)، شائی ہوپ، عثمان خان، افتخار احمد، کامران غلام، مائیکل بریسویل، ڈیوڈ ولی، کرس جورڈن، اسامہ میر، عبید شاہ، محمد حسنین
