وزیراعظم شہباز شریف ’انطالیہ ڈپلومیسی فورم‘ میں مرکز نگاہ بن گئے ہیں۔
ترک صدر رجب طیب اردوان ’انطالیہ ڈپلومیسی فورم‘ میں تقریر ختم کرکے اسٹیج سے اترے تو سیدھا وزیراعظم شہباز شریف کی نشست کی طرف بڑھے اور اہلیہ کے ساتھ جاکر ان سے گرمجوشی سے مصافحہ کیا خیریت بھی دریافت کی۔
ترک صدر کو دیکھتے ہوئے فورم میں شریک باقی ملکوں کی قیادت بھی شہباز شریف کے گرد جمع ہوگئی۔
انطالیہ ڈپلومیسی فورم سے خطاب میں ترکیے کے صدر رجب طیب اردوان نے کہا ہے کہ وزیراعظم شہباز شریف کی کوششوں سے خطے میں جنگ رک گئی، اس جنگ بندی کو امن کے ایک موقع کے طورپر دیکھنا چاہیے۔
ترک صدر نے کہا کہ ہم خطے میں امن کی کوششیں جاری رکھیں گے، آبنائے ہرمز کو تجارتی جہازوں کو لیےمکمل کھول دینا چاہیے۔
ترک صدر کا مزید کہنا تھا کہ سفارت کاری کے ذریعے کسی بھی مسئلے کا حل ممکن ہے، ترکیےعالمی رہنماؤں کے سربراہی اجلاس سمیت مشرق وسطیٰ میں دیرپا امن کے لیے مذاکرات کی میزبانی کے لیےتیار ہے۔
رجب طیب اردوان کا مزید کہنا تھا کہ دنیا میں طاقت کا توازن بدل رہا ہے، غزہ میں نسل کشی ظاہرکرتی ہے کہ عالمی نظام کس کو بچانے کےلیے ہے۔
ان کا کہنا تھا کہ عالمی برادری کو اسرائیل کی توسیع پسندانہ پالیسیوں کےخلاف کھڑا ہونا چاہیے، اسرائیلی توسیع پسندانہ پالیسیوں کےباعث پوری دنیا عدم استحکام کاشکار ہے۔
