کینیڈا کے صوبے برٹش کولمبیا کی ڈیلٹا سرحد کے قریب کار اور موٹر سائیکل میں خوفناک تصادم کے دوران اسپورٹس بائیک ٹریفک لائٹس کے کھمبے پر جا لٹکی۔
غیر ملکی میڈیا رپورٹس کے مطابق افسوسناک واقعہ 2 روز قبل پیش آیا جس دوران تیز رفتار کار اور موٹر سائیکل میں خوفناک تصادم ہوا۔
حادثے کے نتیجے میں موٹر سائیکل سوار شدید زخمی ہوا جسے فوری اسپتال پہنچایا گیا تاہم وہ زخموں کی تاب نہ لاتے ہوئے انتقال کرگیا جبکہ حادثے کے دوران اس کی موٹرسائیکل ٹریفک لائٹس اسٹینڈ پر جالٹکی۔ دوسری جانب حادثے میں کار میں موجود شخص محفوظ رہا۔
سوشل میڈیا پر شیئر کی گئی تصاویر اور ویڈیوز میں موٹرسائیکل کو ٹریفک لائٹس کے کھمبے پر لٹکے دیکھا جاسکتا ہے۔
غیر معمولی منظر نے علاقے کے لوگوں کی توجہ فوری طور پر مبذول کر لی، بہت سے لوگ اس منظر کو دیکھنے اور ریکارڈ کرنے کے لیے جمع ہوگئے۔
بعد ازاں حکام نے صورتحال کو سنبھالنے کی کوشش کی اور موٹرسائیکل کو کرین کی مدد سے نیچے اتار لیا۔
