راولپنڈی،غیر قانونی کال سینٹر کیخلاف کارروائی،61افراد گرفتار

راولپنڈی(خصوصی رپورٹر)ایف آئی اے کی نیشنل سائبر کرائم انوسٹی گیشن ایجنسی (این سی سی آئی اے) راولپنڈی نے سیٹلائٹ ٹان کمرشل مارکیٹ میں غیر قانونی کال سینٹر کے خلاف کاروائی میں مجموعی طور پر 61 افراد کو حراست میں لے کر 71 موبائل فونز اور 155 لیپ ٹاپس برآمد کر لئے این سی سی آئی اے کے ترجمان کے مطابق ملزمان فارن  لون ریکوری سکیم کے ذریعے بین الاقوامی فراڈ میں ملوث ہیں اور شہریوں کو دھمکا کر رقوم بٹورتے تھے جن کے خلاف مقدمہ درج کر لیا گیا ہے جبکہ نیٹ ورک سے متعلق تفتیش جاری ہے ترجمان کے مطابق ڈی جی نیشنل سائبر کرائم انویسٹیگیشن ایجنسی نے غیر قانونی کال سینٹرز کو ملک کی ساکھ کے لئے خطرہ قرار دیتے ہوئے سائبر فراڈ میں ملوث عناصر کے خلاف بلا امتیاز کاروائیاں تیز کرنے کی ہدایت کی ہے لہذا شہری سائبر جرم کی اطلاع ہیلپ لائن 1799 پر دیں یا قریبی سرکل میں رپورٹ کریں۔