ٹیسلا اور اسپیس ایکس کے سربراہ ایلون مسک ایک بار پھر دنیا کے پہلے کھرب پتی بن گئے ہیں۔ بلومبرگ بلینیئرز انڈیکس کے مطابق پیر کے روز ان کی دولت میں تقریباً 65 ارب ڈالر کا اضافہ ہوا، جس کے بعد ان کی مجموعی دولت 1.04 ٹریلین ڈالر تک پہنچ گئی۔
مسک کی دولت میں یہ غیر معمولی اضافہ بنیادی طور پر اسپیس ایکس اور ٹیسلا کے حصص کی قیمتوں میں اضافے کے باعث ہوا۔ اکتوبر کے آغاز سے اسپیس ایکس کے حصص میں تقریباً 13 فیصد جبکہ ٹیسلا کے حصص میں 6.7 فیصد اضافہ ریکارڈ کیا گیا ہے۔
فوربز کی ریئل ٹائم بلینیئرز فہرست کے مطابق بھی مسک کی دولت میں ایک ہی دن میں 65.3 ارب ڈالر کا اضافہ ہوا اور ان کی دولت 1.046 ٹریلین ڈالر تک پہنچ گئی۔ وہ اس وقت دنیا کے امیر ترین شخص ہیں۔
ایلون مسک نے رواں سال جون میں پہلی مرتبہ ایک ٹریلین ڈالر سے زیادہ دولت رکھنے والے شخص کا اعزاز حاصل کیا تھا، تاہم اسپیس ایکس کے حصص میں بعد ازاں کمی کے باعث وہ اس مقام سے نیچے آگئے تھے۔ تقریباً تین ماہ بعد انہوں نے دوبارہ یہ اعزاز حاصل کرلیا ہے۔
ایک دن میں 65 ارب ڈالر کا اضافہ، ایلون مسک نے کھرب پتی کا اعزاز دوبارہ حاصل کرلیا
