ماہرہ خان نے پی ایس ایل میں پسندیدہ کھلاڑیوں کے نام بتا دیئے

دبئی(شوبز ڈیسک)پاکستان کی مایہ ناز اداکارہ اور ماڈل ماہرہ خان نے پاکستان سپر لیگ میں شامل اپنے فیورٹ کھلاڑیوں کے کے نام ظاہر کردئیے۔ایک میڈیا کو انٹرویوکے دوران جب پشاور زلمی کی برانڈ ایمبیسیڈر ماہرہ خان سے ان کے فیورٹ کھلاڑی کے حوالے سے سوال کیا گیا تو انہوں نے جواب میں سب سے پہلے زلمی ٹیم کے کپتان ڈیرن سیمی کا نام لیا۔انہوں نے کہا: "ویسے تو سب ہی میرے فیورٹ کھلاڑی ہیں لیکن ڈیرن سیمی، وہاب ریاض اور حسن علی کو خاص طور پر زیادہ پسند کرتی ہوں۔“اداکارہ کا پی ایس ایل کے بارے میں گفتگو کرتے ہوئے کہنا تھا کہ پی ایس ایل سے انٹرنیشنل کرکٹ کی پاکستان میں آمد ممکن ہوئی ہے اور بین الاقوامی کرکٹرز کا اعتماد بحال ہوگا۔