زینب کے قاتل عمران کے اہلخانہ کس حا ل میں ہیں؟ چیف جسٹس سے بڑی اپیل کر دی

لاہور(ویب ڈیسک) قصور میں زینب کے قاتل عمران کے اہلخانہ سپریم کورٹ رجسٹری لاہور پہنچ گئے، اہلخانہ نے سپریم کورٹ میں درخواست دائر کی ہے کہ ایس ایچ او تھانہ اے ڈویڑن نے گھر پر قبضہ کرلیا اور جان سے مارنے کی دھمکیاں دے رہا ہے،چیف جسٹس پاکستان ایس ایچ او سے گھر واگزار کرانے کا حکم دیں۔ میڈیا رپورٹس کے مطابق قصور میں ننھی اور معصوم زینب کے قتل میں ملوث ملزم عمران کے اہلخانہ کے گھر پرقبضہ کرلیا۔ملزم عمران کے اہلخانہ گھر واگزار کرانے کیلئے سپریم کورٹ پہنچ گئے۔ زینب کے قاتل عمران کے اہلخانہ نے سپریم کورٹ میں درخواست دائر کی ہے کہ ایس ایچ او نے گھر پر قبضہ کر لیا ہے۔ ایس ایچ اوعارف وحید جان سے مارنے کی دھمکیاں دے رہا ہے۔اہلخانہ نے مزید مﺅقف اپنایا ہے کہ والد کی وفات پر ایس ایچ او نے میت کو غسل بھی نہیں دینے دیا۔جس پر ہمیں شدید پریشانی کا سامنا کرنا پڑا۔ انہوں نے سپریم کورٹ سے التجائ کی ہے کہ چیف جسٹس پاکستان ایس ایچ او سے گھر واگزار کرانے کا حکم دیں۔ اور ایس ایچ او کے خلاف کارروائی کا حکم دیں۔ واضح رہے رواں سال اکتوبر میں قصور میں جنسی تشدد کا نشانہ بننے کے بعد قتل کی جانے والی 8 سالہ زینب کے مقدمے کے مجرم عمران علی کو لاہور کی کوٹ لکھپت جیل میں پھانسی دی گئی تھی۔