لاہور (رپورٹنگ ٹیم) کیپیٹل سٹی پولیس آفیسر لاہور ایڈیشنل آئی جی بی اے ناصر نے کہا کہ نوجوان نسل کو منشیات کا شکار ہونے سے روکنا پولیس، والدین اور تعلیمی اداروں سمیت ہر شہری کی مشترکہ ذمہ داری ہے۔ منشیات کا شکار افراد سے دوری اختیار کرنے کی بجائے ہمدردی کا اظہار اور ان کی بحالی کے لیے اقدامات کریں۔ان خیالات کا اظہار انہوں نے روزنامہ خبریں و چینل 5کے زیر اہتمام تعلیمی اداروں میں منشیات کے بڑھتے ہوئے رجحان اور اس کی روک تھام کے حوالے سے الحمرا میںمنعقدہ سیمینار سے خطاب کرتے ہوئے کیا۔انہوں نے کہا کہ تعلیمی اداروں میں منشیات کا استعمال خطرے کی علامت ہے جس کے تباہ کن اثرات نہ صرف نشہ کرنے والے فرد بلکہ اس کے خاندان کے افراد اور معاشرے تک محسوس کئے جاتے ہیں۔ انہوں نے کہا کہ ڈپریشن، نفسیاتی مسائل، غربت اور ساتھی طلباء و طالبات کا دباو¿ بھی بچوں کو منشیات کا شکار کرنے کا باعث بنتا ہے۔ منشیات سمیت مختلف منفی رجحانات سے بچاو¿کا واحد ذریعہ اللہ کا قرب اپنانے میں ہے۔ بی اے ناصر نے کہا کہ گزشتہ سال صوبائی دارلحکومت میں 07ہزار سے زائد منشیات فروشوں کو گرفتار کیا گیا۔گزشتہ 03ماہ میں لاہور پولیس نے منشیات کے تدارک کے حوالے سے مختلف تعلیمی اداروں کے ساتھ 68اجلاس منعقد کئے۔ گزشتہ 03ماہ میں مختلف تعلیمی اداروں، ہاسٹلز اور متعلقہ مقامات پر منشیا ت فروشوں کے خلاف57 سرچ آپریشنز کئے گئے۔تعلیمی اداروں اور ارد گرد منشیات فروشوں کے تدارک کے لئے 39سرویلنس ٹیمیں تشکیل دیں گئیں۔ طلباءو طالبات منشیات کے حوالے سے موجود قانون کا بھی ضرور مطالعہ کریں۔الطاف قمر سابق ایڈیشنل آئی جی ،سابق ڈائریکٹر جنرل انٹی نارکوٹکس نے سیمینار سے خطاب کرتے ہوئے کہا کہ ضیاشاہد نے ہمیشہ عوامی ایشوز کو اجاگر کیا ہے انہوں نے منشیات کی روک تھام کے حوالے سے جو سمینار کروایا ہے وہ آج کے دور کا اہم ایشو ہے ۔آج کے دور میں دنیا دو مسائل سے دوچار ہے اسلحہ کی دہشت گردی اور دوسرا مسئلہ منشیات کی دہشت گردی اسلحہ کی دہشت گردی میں گولہ بارود پھٹتا ہے جس میں خون کی ہولی ہوتی ہے اس اسلحہ دہشت گردی کی بڑی ہولی 1945ءمیں امریکہ نے ہیرو شیما پر ایٹم بم گر کر کھیلی تھی جس میں لاکھوں انسانوں کی جانیں ضائع ہوئی تھیں جس کے بعد دینا اس کو روکنے کےلئے اکٹھی ہوئی اور اس کے بعد آج تک کوئی ایٹم بم نہیں چلایا گیا لیکن پھر بھی اسلحہ کی دہشت گردی سے 2016ءمیں 26ہزرا اور 2017ءمیں 19ہزرا جانیں ضائع ہوئیں جبکہ منشیات کی دہشت گردی میں یواین او کی رپورٹ کے مطابق سالانہ اڑھائی لاکھ جانیں ضائع ہوتی ہیں جبکہ میرا خیال ہے کہ اس سے زیادہ ہوتی ہیں ۔انہوں نے کہا کہ ہمارے ملک کی 22کروڑ کی آبادی میں ایک کروڑ کی آبادی نشے کی عادی ہوچکی ہے جس میں 30لاکھ عورتوں کی ہے ہر سال اس مین اضافہ ہورہا ہے لاہور کی آبادی میں ایک لاکھ کی ابادی نشے کی عادی ہوچکی ہے لیکن افسوس کے ساتھ کہنا پڑتا ہے اس کےلئے خاطر خواہ علاج کی سہولت میسر نہیں ہے اس بارے موجودہ حکومت کو ہنگامی بنیادوں کام کرنا ہوگا ۔وائس چانسلر لاہور کالج فار ویمن یونیورسٹی پروفیسر ڈاکٹر فرخندہ منظور نے خبریں کی جانب سے منشیات کے خلاف تعلیمی اداروں میں آگاہی مہم کوخراج تحسین پیش کرتے ہوئے مہم کو طلباءکے بہتر مستقبل کیلئے مفید اور خوش آئند قرار دیااور کہا کہ یونیورسٹیسز اور کالجز میں منشیات کی روک تھام کے حوالے سے آگاہی مہم دور حاضرکا اہم تقاضا ہے۔ خصوصاً طلباءو طالبات کو منشیات کی وباءسے بچاکر ان کا مستقبل محفوظ بنایا جاسکتا ہے۔ تعلیم ہمیں شعور دیتی ہے نوجوان نسل ملک و قوم کا قیمتی سرمایہ ہےں سماج د شمن عناصر نوجوانوں کو منشیات کی دلدل میں پھنساکران کا مستقبل داو¿ پر لگانا چاہتے ہیںان کی اس سازش کو ناکام بنانے اور عوامی سطح پر شعور و آگاہی کی سرگرمیوں کی ملک بھر کے اساتذہ مدد کریں گے۔سیمینار سے خطاب کرتے ہوئے ڈاکٹر شاہد کھوکھر ڈپٹی ڈائریکٹر سٹوڈنٹس آفیرز ایجوکیشن یونیورسٹی نے کہا کہ منشیات بارے جب تک اگاہی نہیں دیں گے تو یہ مسئلہ حل نہیں ہوگا تعلیمی اداروں میں اس کو فیشن بنا دیا گیا ہے، اس بارے والدین کی بھی اہم ذمہ داری ہے کو وہ اپنے بچوں کو چیک کریں ان پر نظر رکھیں کہیں وہ ایسی سوسائٹی کا حصہ تو نہیں بن رہا انہوں نے کہا کہ پولیس کی یہ ذمہ داری ہے کہ وہ ایسے مافیا کے خلاف جو منشیات سپلائی کرتا ہے سخت کاروائی کریں اور اس کو نشان عبرت بنائیں تاکہ اور کوئی ایسی جرا¿ت نہ کرے۔ انہوں نے یہ بھی کہا کہ جو منشیات کے عادی لوگ ہیں ان سے ہمدردی کی جائے ان کو پیار دیا جائے اور اسی ہمدری اور پیار میں ان کو اگاہی دی جائے تاکہ وہ اس لعنت سے چھٹکارا حاصل کریں۔ ڈپٹی ڈائریکٹر پنجاب ایڈز کنٹرول پروگرام سجاد حفیظ نے اس موقع پر کہا کہ پاکستان میں ایچ آئی وی کی سب سے زیادہ شرح انجکشن کے ذریعے نشہ کرنے والے افراد میں ہے۔ عمومی طور پر انجکشن کے ذریعے نشہ کرنے والے افراد معاشرے کے محروم طبقات میں اکثریت میں ہیں تاہم کچھ تعلیمی اداروں میں گزشتہ کچھ عرصے میں اس کے روجحان میں اضافہ ہوا ہے۔ اقوام متحدہ کے ایس ڈی جی کے مطابق اس کی شرح عوام میں 0.1فیصد سے کم ہو نی چاہیے اور خوش قسمتی سے پاکستان میں اس کی شرح کم ہے ۔ منشیات کے رجحان کو دور کرنے کےلئے والدین کو بچون کے ساتھ اپنے رویے کو دوستانہ رکھنا ہو گا۔ بچوں میں انجیکشن کی وجہ سے پہلے وہ سگریٹ اور دیگر نشوں کی جانب سمائل ہوتے ہیں اور آخری اسٹیج انجیکشن کے ذریعے ہوتی ہے۔ اکثر اس قسم کے مریضوں میں 14سے 20سال کے بچے بھی شامل ہوتے ہیں۔ سینئر اداکار راشد محمود نے تقریب سے خطاب کرتے ہوئے کہا کہ چیف ایڈیٹر روزنامہ خبریں ضیاشاہد نے منشیات کی روک تھام بارے جو سیمینارکا انعقاد کروایا ہے قابل تحسین ہے انہوں تقریب میں موجود طالبعلموں سے کہا کہ اپ ہمارے مستقبل ہو آپ کو ایسی لعنت سے دور رہنا ہوگا اور جہاں ایسی لعنت کو دیکھو بروقت اطلاع کرو اپنے والدین کی نصیحت پر عمل کرو کیونکہ آپ کے والدین تجربات سے گزر چکے ہوتے ہیں وہ آپ کی بھلائی چاہتے ہیں انہوں نے کہا کہ اس کی آگاہی بارے ہماری جب ضرورت پڑے ہم حاضر ہیں۔ اس تقریب میں ایس ایس پی آپریشنز کیپٹن (ر) مستنصر فیروز، مختلف یونیورسٹیوں کے وائس چانسلرز، کالجز کے پرنسپلز، اساتذہ، طلباء و طالبات، ایس پیز، شوبز کے نمائندوں اور پولیس ملازمین نے بڑی تعداد میں شرکت کی۔ اس موقع پر گلوکاراہ عینی طاہرہ نے ملی نغمے گائے جس سے شرکاءلطف اندوز ہوئے۔
نوجوان نسل کو منشیات سے بچانا پولیس ، والدین ، تعلیمی اداروں اور ہر شہری کی ذمہ داری : سی سی پی او ، لاہور میں ایک لاکھ افراد نشہ کرتے ہیں خاطرخواہ علاج کی سہولت میسر نہیں: الطاف قمر، ضیا شاہد عوامی مسائل اجاگر کرتے ہیں : سابق ایڈیشنل آئی جی
