لاہور (اپنے نمائندے سے) ن لیگ کے صدر شہبازشریف کی زیرصدات ہونے والے اجلاس میں لیگی کارکن آپس میں گتھم گتھا‘ ایک دوسرے پر تشدد‘ گالیاں ایک دھڑے نے دوسرے دھڑے کو اجلاس سے نکال دیا۔ بعدازاں شہبازشریف نے ن لیگ برطانیہ کے تمام لیگی عہدیداروں کو فارغ کرکے تنظیم توڑ دی اور تنظیم نو کیلئے اسحاق ڈار کو کمیٹی کا چیئرمین مقرر کر دیا۔ مسلم لیگ (ن) کے صدر میاں شہباز شریف کا کہنا ہے کہ عید کے بعد اپوزیشن جماعتیں اکٹھی ہو کر مشاورت سے فیصلہ کریں گی، عمران خان بدقسمتی سے دن رات جھوٹ بولتے ہیں، اپنی زندگی میں جھوٹ بولنے والے وزیراعظم نہیں دیکھا، مشکلات کے باوجود گیارہ ہزار میگا واٹ بجلی پیدا کی۔ سابق وفاقی وزیر خزانہ اسحق ڈار کیساتھ پریس کانفرنس کرتے ہوئے ان کا کہنا تھا کہ لوڈ شیڈنگ ہو رہی ہے تو اس کا ذمہ دار ہمیں نہ ٹھہرائیں، مشکلات کے باوجود مسلم لیگ ن کی حکومت نے گیارہ ہزار میگا واٹ بجلی سسٹم میں داخل کی۔ اپنی زندگی میں عمران خان سے زیادہ جھوٹ بولنے والا وزیراعظم نہیں دیکھا۔ ان کا کہنا تھا کہ ملک میں لوکل سرمایہ کار پیسہ لگانے کو تیار نہیں باہر سے کون لگائے گا۔ بد ترین مہنگائی اور بیروز گاری سےعوام کا جینا مشکل ہو گیا ہے۔ ہم نے ہسپتالوں میں مفت ادویات دیں جو موجودہ حکومت نے بند کر دی ہیں۔ ان کا کہنا تھا کہ لندن آنے کا مقصد علاج کرانا تھا، میرے جسم سے کینسر کا مرض ختم ہو چکا ہے، ریگولر چیک اپ ضروری تھا اس لیے یہاں آیا۔
رمضان المبارک میں ظہرانہ شہباز شریف کے گلے پڑ گیا ، تنظیم ٹو ٹ گئی ، عہدیدار فارغ
