ویب ڈیسک : گزشتہ چوبیس گھنٹوں کے دوران ملک بھر میں مہلک کورونا وائرس کے باعث 100 سے زائد افراد جاں بحق ہوئےاسلام آباد پاکستان میں ایک ہی دن میں کورونا سے متاثرین کی تعداد میں ریکارڈ اضافہ۔ گزشتہ چوبیس گھنٹوں کے دوران ملک بھر میں مہلک کورونا وائرس کے باعث 100 سے زائد افراد جاں بحق ہوئے۔ تفصیلات کے مطابق پاکستان میں کورونا وائرس کے باعث حالات خراب سے خراب تر ہوتے جا رہے ہیں۔ تازہ اعداد و شمار کے مطابق گزشتہ چوبیس گھنٹوں کے دوران پاکستان میں کورونا وائرس سےمتاثرہ افراد کی یومیہ تعداد میں ریکارڈ اضافہ ہوا ہے۔
جاری اعداد و شمار کے مطابق گزشتہ روز پاکستان میں کورونا کے 6 ہزار 397 نئے کیسز رپورٹ ہوئے ہیں جس کے بعد پاکستان میں متاثرہ افراد کی مجموعی تعداد 1 لاکھ 25 ہزار 933 کی سطح کو جا پہنچی ہے۔ میڈیا رپورٹس کے مطابق پاکستان میں گزشتہ چوبیس گھنٹوں کے دوران 107 افراد وائرس کے باعث جان کی بازی ہار گئے ہیں جس کے بعد ملک میں کورونا سے جاں بحق افراد کی تعداد 2 ہزار 463 ہو گئی ہے۔ سرکاری اعداد و شمار کے مطابق اب تک ملک بھر میں 40 ہزار 247 افراد کورونا وائرس کو شکست دینے میں کامیاب ہوئے ہیں۔