پاکستان پیپلز پارٹی (پی پی پی) کے چیئرمین بلاول بھٹو زرداری نے عمران خان کو جھوٹا اور منافق قرار دے دیا، اور کہا کہ عمران خان نے بھارتی وزیر اعظم نریندر مودی کی جیت کے لیے دعا کی تھی۔
غذر میں جلسے سے خطاب میں بلاول بھٹو زرداری نے کہا کہ مودی کی جیت کی دعا کرنے والا، رات کے اندھیرے میں کلبھوشن کے لیے آرڈیننس لانے والا اور کشمیر کا سودا کرنے والا اپوزيشن پر کیسے الزام لگا سکتا ہے کہ وہ مودی کے بیانیے پر چل رہی ہے۔
بلاول بھٹو نے یہ بھی کہا کہ ایک وزیراعظم ایک تقریر میں اتنے جھوٹ کیسے بول سکتا ہے، کچھ تو اپنے عہدے کی ہی عزت کرلو۔
پی پی چیئرمین کا کہنا تھا کہ آپ نے کرپشن کے سارے ریکارڈ توڑدیے ہیں۔
ساتھ ساتھ انھوں نے یہ بھی کہا کہ وزیراعظم عمران خان میں منافق کی ساری نشانیاں موجود ہيں۔
