ملتان:ملتان ضلعی انتظامیہ نے پاکستان ڈیموکریٹک موومنٹ(پی ڈی ایم)کو ملتان میں جلسے کی اجازت دینے سے انکار کر دیا جس کا نوٹیفکیشن بھی جاری کر دیا گیا ہے۔
تفصیلات کے مطابق پاکستان ڈیموکریٹک موومنٹ(پی ڈی ایم) 30نومبر کو ملتان میں جلسے کا ارادہ رکھتی ہےاور جلسے کی اجازت کے لیے پی ڈی ایم نے ملتان کی ضلعی انتظامیہ کو درخواست دے رکھی تھی تاہم ملتان ضلعی انتظامیہ نے پاکستان ڈیموکریٹک موومنٹ(پی ڈی ایم)کو ملتان میں جلسے کی اجازت دینے سے انکار کر دیا ہے جس کا نوٹیفکیشن بھی جاری کر دیا گیا ہے۔
اس حوالے سے ڈپٹی کمشنر عامر خٹک کا کہنا تھا کہ ضلعی انتظامیہ نےپی ڈی ایم کو جلسے کی اجازت دینے سے انکار کردیا اور پی ڈی ایم کی جلسے کی درخواست کو مسترد کردیا گیا ہے،ملتان جلسہ نہ کرنے کی اجازت کوروناکے بڑھتے کیسزکے پیش نظرکی گئی۔
واضح رہے کہ ملک میں کورونا وائرس کے مزید 3 ہزار 306 نئے کیسز رپورٹ ہوئےجس کے بعد کورونا کے تصدیق شدہ کیسز کی تعداد 3 لاکھ 86 ہزار 198 ہوگئی جبکہ کورونا وائرس سےمزید 40 افراد جاں بحق ہوگئے، جس کے بعد اموات کی تعداد 7 ہزار 843 ہوگئی۔
