دوبارہ آسٹریلیا جانے کاکوئی ارادہ نہیں

کراچی(نیوزایجنسیاں)پاکستان کرکٹ ٹیم کے وکٹ کیپر بیٹسمین اور ٹی ٹوئنٹی کپتان سرفراز احمد نے کہا ہے کہ دوبارہ آسٹریلیا جانے کا کوئی ارادہ نہیں ہے۔نجی ٹی وی کے مطابق سرفراز احمد نے کہا کہ زیادہ سے زیادہ وقت اپنی والدہ کیساتھ گزارنا چاہتا ہوں۔والدہ تاحال ہسپتال میں ہی زیر علاج ہیں۔ اطلاعات کے مطابق کرکٹر کی والدہ کی طبیعت اب بہتر ہے۔یاد رہے سرفرازاحمد کی والدہ کی اچانک طبیعت خراب ہونے کے باعث آئی سی یو منتقل کردیا گیا تھا جبکہ کرکٹر دورہ آسٹریلیا ادھورا چھوڑ کر وطن واپس لوٹ آئے تھے۔ جبکہ ان کی جگہ وکٹ کیپنگ کی ذمہ داری محمد رضوان نبھا رہے ہیں۔