کراچی: (ویب ڈیسک) پولیس نے 15 ہزار موٹر سائیکلیں چوری کرکے فروخت کرنے والے موٹر سائیکل لفٹر کو گرفتار کرلیا۔
پولیس کے مطابق ملزم آصف کو مقابلے کے بعد زخمی حالت میں گرفتار کیا گیا ہے، ملزم چوری کی موٹر سائیکل 8 سے 25 ہزار روپے میں فروخت کردیتا تھا۔
پولیس کا کہناہےکہ موٹر سائیکل لفٹر نے ویڈیو بیان میں 15 ہزار موٹرسائیکلیں چوری کرکے حب منتقل کرنے کا اعتراف بھی کیا۔پولیس کے مطابق ملزم نے بتایا کہ اس کا باپ ٹارگٹ کلر تھا جو پولیس مقابلے میں مارا گیا جب کہ وہ گاڑیاں اور موٹر سائیکلیں چوری کرکے بلوچستان لے جاتا ہے۔
پولیس کے مطابق ملزم نے اعتراف کیا کہ وہ اب تک 12 گاڑیاں اور 10 سے 15 ہزار موٹر سائیکلیں چوری کر چکا ہے، اس نے گاڑیاں گلشن حدید ،ماڈل کالونی اور بنگالی پاڑے سے چوری کیں، اس سے قبل وہ 4 مرتبہ گرفتار ہوچکا ہے۔
کراچی سے 15 ہزار موٹر سائیکلیں چوری کرنیوالا ملزم گرفتار
