نیویارک : (ویب ڈیسک) دی راک کے نام سے مشہور سابق امریکی ریسلر اور ہالی ووڈ اداکار ڈوین جانسن نے 36 برس بعد موقع واردات پر جاکر اپنی چوری کا اعتراف کرلیا۔
ڈوین جانسن نے اپنے انسٹاگرام اکائونٹ پر ایک ویڈیو پوسٹ کی جس میں انہوں نے بتایا کہ امریکی ریاست ہوائی کے اسٹور سے وہ ایک سال تک ہر دن جِم جانے سے پہلے چاکلیٹ چوری کیا کرتے تھے۔
دی راک نے بتایا کہ 14 سال کی عمر میں پیسے نا ہونے کے باعث وہ چاکلیٹ چوری کرتے تھے اور ایکسرسائز سے پہلے کھانے کے طور پر اسے کھاتے تھے ۔
اداکار نے بتایا کہ وہ اتنے سال پہلے کیے اپنے غلط کام کو ٹھیک کرنا چاہتے تھے اس لئے سٹور میں جاکر ملازم سے کہا کہ تمام چاکلیٹس کو جمع کر کے کاؤنٹر پر رکھ دو اور کسی بھی آنے والے ایسے خریدار کو دینا جو تمہیں لگے کہ چاکلیٹ چوری کرے گا ۔
انہوں نے سٹورکاؤنٹر پر اس دوران بچپن میں کی گئی اپنی غلطیوں کا اعتراف کیا اور اتنی زیادہ چاکلیٹ گننے والے ملازم کو ٹِپ دی جبکہ کاؤنٹر پر 298 ڈالر کا بل بھی ادا کیا۔
اس موقع پر اسٹور میں موجود خریدار ہالی ووڈ سپر سٹار کو دیکھ کر حیران رہ گئے جبکہ اداکار نے مداحوں کے ساتھ تصاویر بھی بنوائیں۔
ہالی ووڈ سپرسٹار ڈوین جانسن کا 36 برس بعد چوری کا اعتراف
