فیصل واوڈا کا استعفیٰ منظور، سینیٹ کی نشست خالی قرار دے دی گئی

اسلام آباد: (ویب ڈیسک) چیئرمین سینیٹ صادق سنجرانی نے فیصل واوڈا کا استعفیٰ منظور کر لیا جس کے بعد سینیٹ سیکرٹریٹ نے ان کی نشست خالی قرار دے دی۔
رپورٹ کے مطابق سینیٹ سیکرٹریٹ نے نشست خالی قرار دینے کا نوٹی فیکشن جاری کرتے ہوئے کہا ہے کہ فیصل واوڈا اب سینیٹر نہیں رہے، فیصل واوڈا نے اپنا استعفی چیئرمین سینیٹ صادق سنجرانی کو پیش کیا تھا۔
واضح رہے فیصل واوڈا نے سپریم کورٹ کے فیصلے کی روشنی میں سینیٹ کی نشست سے استعفیٰ دیا تھا، فیصل واوڈا پی ٹی آئی کے ٹکٹ پر 2018ء میں سینیٹر منتحب ہوئے تھے۔