لاس اینجلس: ہالی وڈ کی شہرہ آفاق ویب سیریز ’دی رنگز آف پاور‘ سیزن 2 کا ایکشن سے بھرپور ٹریلر جاری کردیا گیا۔
’دی رنگز آف پاور‘ کے سیزن ٹو میں سورون کی واپسی ہوئی ہے۔ کسی فوج یا اتحادی کے بغیر ابھرتے ہوئے ڈارک لارڈ کو اب اپنی طاقت کی تعمیر نو کے لئے اپنی چالاکی پر انحصار کرنا ہوگا، جو اسے مشرق وسطی کے تمام لوگوں کو اپنی مذموم مرضی سے باندھنے کی مدد دے گی.
ایکشن سے بھرپور ٹریلر میں لیجنڈری ولن سورون کے طویل عرصے بعد دوبارہ ابھرنے پر توجہ مرکوز کی گئی ہے، جس میں مشرق وسطیٰ میں کئی سالوں کی سخت لڑائی کے بعد اندھیرے اور برائی کی واپسی کا اعلان کیا گیا ہے۔
یہ ڈراما سیریز جے آر آر ٹولکین کی کتاب ‘دی ہوبٹ اینڈ دی لارڈ آف دی رنگز’ کے واقعات پر مبنی ہے جو ناظرین کو ہزاروں سال پہلے ایک ایسے دور میں لے جائے گا جس میں عظیم طاقتیں وجود میں آئیں گی، بادشاہتیں عروج پر پہنچیں گی اور تباہی کا شکار ہوں گی۔
’دی رنگز آف پاور‘ کے پہلے سیزن نے شاندار کامیابی سمیٹی تھی جسے دنیا بھر میں 100 ملین سے زیادہ افراد نے دیکھا اور او ٹی ٹی پلیٹ فارم میں اس کے ریکارڈ 32 بلین منٹ سے زیادہ اسٹریم ہوئے ہیں۔
سیریز نے اپنے پہلے دن 25 ملین سے زیادہ عالمی ناظرین کو اپنی طرف متوجہ کیا ، جو پرائم ویڈیو کی تاریخ کا سب سے بڑا پریمیئر تھا۔
’دی لارڈ آف دی رنگز: دی رنگز آف پاور‘ کے تمام آٹھ پہلے سیزن کی اقساط اب 240 سے زائد ممالک اور خطوں میں متعدد زبانوں میں پرائم ویڈیو پر اسٹریم کرنے کے لئے دستیاب ہیں جب کہ دوسرے سیزن کا پریمیئر 29 اگست 2024 کو ہوگا۔
