اسلام پورہ ‘ چوری شدہ 5تولے سونا اکرم پارک گھر سے برآمد

لاہور(کرائم رپورٹر)اسلام پورہ پولیس نے کاروائی کرتے ہوئے 5 تولے سونا اکرم پارک گھر
سے برآمد کر لیا۔ترجمان ڈی آئی جی آپریشنزکے مطابق اسلام پورہ اکرم پارک میں گھر سے 5 تولے سونا چوری کی کال موصول ہوئی تھی۔ جس کے بعد اسلام پورہ پولیس نے نامعلوم چور کے خلاف مقدمے کا اندراج کیا۔دوران تفتیش پولیس کو واقعہ کی صورتحال مشکوک محسوس ہوئی۔جس پر پولیس نے گھر کے اندر موجود شواہد اور حالات و واقعات کی جانچ کی اورتفتیش آگے بڑھی تو 5 تولے سونے کے زیورات گھر سے ہی برآمد ہو گے۔ترجمان ڈی آئی جی آپریشنز نے بتایا کہ چوری کی واردات کی مختلف پہلوں سے مزید تفتیش کی جا رہی ہے۔واقعہ میں ملوث عناصر کا تعین کیا جا رہا ہے اور مزید قانونی کارروائی جاری ہے۔اس موقع پر ڈی آئی جی آپریشنز فیصل کامران نے کہا کہ شہری کسی بھی واقعے پر فوری پینک ہونے کے بجائے پہلے مکمل تصدیق کریں۔شہری کسی واقعے کی اطلاع دیتے وقت درست معلومات فراہم کریں۔فیصل کامران نے کہا کہ تفتیش کے ذریعے اصل حقائق سامنے لانا پولیس کی ذمہ داری ہے