(سٹی رپورٹر) پنجاب بھر میں کتا مار مہم میں کروڑوں روپے کی کرپشن میں ملوث ملتان سمیت
باقی صفحہ6بقیہ نمبر 29
13 اضلاع کے سیکرٹری یونین کونسلز کے خلاف پیڈا ایکٹ کے تحت کارروائی کا فیصلہ کیا گیا ہے ۔ذرائع کے مطابق محکمہ لوکل گورنمنٹ اینڈ کمیونٹی ڈویلپمنٹ کی جانب سے بنائی گئی انکوائری کمیٹی نے پنجاب بھر میں کتا مہم میں 72 کروڑ سے زائد کی کرپشن کی باقاعدہ تصدیق کردی ہے ۔ڈائریکٹر لوکل گورنمنٹ فیصل آباد سربراہی میں قائم تحقیقاتی ٹیم نے ملتان سمیت ڈیرہ غازی خان، لاہور، شیخوپورہ، ساہیوال سمیت 13 اضلاع میں کتا مار مہم میں کرپشن کی تصدیق کردی ہے اور ابتدائی رپورٹ سیکرٹری لوکل گورنمنٹ لاہور کو بھجوا دی ہے۔ ملتان میں سیکرٹری یونین کونسل خلیل ،سیکرٹری یونین کونسل 11 راؤ خالد سمیت 105 سیکرٹریز کے ریکارڈ کو بوگس قرار دیا گیا۔ سابق ڈپٹی ڈائریکٹر لوکل گورنمنٹ ذوالقرنین جن کو مذکورہ سیکنڈل میں معطل کیا گیا تھا دو کروڑ 50 ہزار روپے کے بوگس بلوں کو منظور کرنے کی انکوائری کمیٹی میں ثابت ہوچکا ہے ۔انکوائری کمیٹی کی جانب سے کتا مار مہم میں کرپشن کیس میں ملوث ملتان ،لاہور، ڈیرہ غازی خان ،شیخوپورہ، لودھراں، وہاڑی سمیت صوبے کے 13 اضلاع میں 500 سے زائد سیکرٹری یونین کونسلز کے خلاف پیڈا ایکٹ کے تحت کارروائی کا فیصلہ کیا گیا ہے ۔واضح رہے سیکرٹریز یونین کونسلز کی جانب سے پنجاب بھر میں کتا مار مہم کا بوگس ریکارڈ فراہم کرنے پر کارروائی کی جائے گی۔ اس ضمن میںڈائریکٹر لوکل گورنمنٹ ملتان ریجن سیف الرحمن نے روزنامہ خبریں کو بتایا کہ کتا مار مہم میں کرپشن سکینڈل انکوائری میں ریکارڈ کی چھان بین جاری ہے۔
کتا مار مہم
